Zekariya 2:2 - Tonga Bible 1986

² Ndipo ndinguti, “Kumbi uta pani?” Iyo wanguti kwaku ine, “Kwachipima Yerusalemu, kuwona usani wake ndi utali wake mo ulili.”

Zekariya 2:2 Referans Kwoze

Ezekiele 45:6

“Pamoza ndi chigaŵa chituŵa chakuŵikika pade mupereke nge nchihara cha msumba malo gha mikono vikwi vinkhonde (5,000) usani, ndi vikwi machumi ghaŵi ndi, vinkhonde (25,000) utali; ghaŵe gha nyumba yose yaku Yisraele.

Yeremiya 31:39

Ndipo chingwe chakupimiya chikarutiliyangako mpaka ku mtunthu wa Garebe, ndipo chamupatukiya ku Goŵa.

Chivumbuzi 11:1

Kungupaskika kwaku ine dete lakukozgana ndi ndodo, kuti. “Soka, upime kasopi waku Chiuta, ndi jochero lo, ndi wo ŵasopa mwenimo.

Zekariya 5:10

Viyo ndinguti ku mungelo yo wakambanga nane, “Kumbi ŵatiya nayo pani sokora?”

Yohane 16:5

Kweni sono ndiruta kwaku yo wangundituma; ndipo palivi yumoza mwaku imwe wakundifumba, ‘Muta nunkhu?’

Ezekiele 40:3

Wanguti waza nane pa, wonani, penga munthu mweniyo kawonekero kake kanguŵa nge ndi mkuŵa, wenga ndi chingwe ndi dete lakwese mu janja lake; wanguma mu likomo.

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.