Zekariya 14:6 - Tonga Bible 1986

⁶ Mu zuŵa lo mphepo ndi kuzizira viŵengeko cha.

Zekariya 14:6 Referans Kwoze

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

2 Petro 1:19

Ndipo te nalo nenedu lo la umchimi lakukhozgeka: kwaku lenilo mutenere kuphwere, uli nkhu lumbuni lakuŵaliya mu malo ghamunkhorwi, mpaka lichenge zuŵa, ndi thondu lituwenge mu mitima yinu.

Yohane 12:46

Ndaza Kungweruka mu charu, alinga kuti yose wakuvwana mwaku ine wangajaririyanga mu mdima cha.

Sumu 112:4

Ku ŵanthu ŵamampha ukweru uŵala mu mdima, kwakuŵeniwo mbawezi, ŵalisungu, ndi wakurunjika.

Chivumbuzi 11:3

Ndipo ndipaskenge mtufu ku ŵakaboni ŵangu ŵaŵi, ndipo ŵakachimanga mazuŵa chikwi ndi machumi pe chumi ghaŵi ndi machumi ghankhonde ndi limoza (1,260), ŵakuvwara vigudulu.”

ŴaKolose 1:12

ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

Yohane 1:5

Kungweruka ko kuŵala mu mdima; ndipo mdima wo wengavi nthazi kujara kungweruka ko.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Yeremiya 4:23

Ndingulereska pa charu, ndipo ehe, chenga mapopa ndi chambura kanthu, ndingulereska, kuchanya ukweru kwengavi.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Yesaya 13:10

Pakuti nyenyezi za machanya ndi mawumba ghake kuti vikapaskanga ukweru wawo cha lumwi likafipanga pakutuwa kwake mwezi kuti ukalongonga kuŵara cha.

Machitidu gha Ŵakutumika 2:16

kweni chenichi ndicho chakuneneka ndi mchimi Yoele:

Machitidu gha Ŵakutumika 2:19

Ndipo nkhapaskanga virwita mumachanya kuchanya, ndi visimikizgu pa charu cha pasi; ndopa, ndi moto, ndi mvuchi wa usi:

Yesaya 24:23

Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.

Ezekiele 32:7

Ndichikusisita iwe, ndikabenekeriyanga machanya, ndikafipiskanga nyenyezi zawo; ndikabenekeriyanga dazi ndi mtambo, mwezi kuti ukapaskanga kuŵara kwake cha.

Ezekiele 32:8

Maukweru ghose gha kuŵara kuchanya ndighachitiskenge mdima paku iwe, ndi kuŵika mdima pa charu chako,’ atiti Ambuya Chiuta.

Yoele 2:30

“Ndipo ndirongonge vyakuziziswa kuchanya ndi panu pasi, ndopa ndi moto, ndi mizati ya usi.

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.