Zekariya 14:16 - Tonga Bible 1986

¹⁶ Ndipo yose yo wasiyika, mu mitundu yose yo yinguza kulimbana ndi Yerusalemu, wakwerenge chirimika ndi chirimika kusopa karonga, Ambuya ŵa maŵanja, ndikusunga dghera la misasa.

Zekariya 14:16 Referans Kwoze

Yesaya 66:23

Kutuwa ku mwezi ufya kuya ku mwezi ufya, ndi kutuwa ku sabata kuya ku sabata, nyama yose yikazanga kusopa paurongo pangu, atiti Ambuya.

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

ŴaRoma 11:26

mpaka urapasi wa ŵaMitundu ŵaseremo; ndi viyo Yisraele yose wakataskikanga: nge ndimo kwalembeke. “Watuliyengemo mu Zioni muwombozi yo; watuzgengeko uwura-chisopa kwaku Yakobe.”

ŴaRoma 11:16

Ndipo asani chigaŵa chakudanga cha chiŵande nchakupaturika, iku chiŵande chose nchakupaturika; ndipo asani nkhorozu njakupaturika mphanda nazo zipaturika.

ŴaRoma 11:5

Kwakulingana viyo mu nyengo ya sono ŵaŵapo ŵakusiyika kwakuyana ndi sankhu la wezi.

Machitidu gha Ŵakutumika 15:17

viyo kuti ŵakujapo mu ŵanthu ŵapenje Ambuya, ndipo ŵaMitundu wose paku wo ladanikiya zina langu,

Yohane 7:2

Kweni dghera la ŵaYuda la Misasa, lenga pafupi.

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Luka 19:38

ŵakuti, “Ngwakutumbikika Karonga yo watuziya mu zina la Mbuya! Chimangu kuchanya, ndi unkhankhu mdengwendi.”

Malaki 1:14

“Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

Zekariya 9:7

Ndituzgenge ndopa zake mu mlomo wake, ndi ukazuzi wake pakati pa minyu ghake; ndipo nayo waŵenge wakujako waku Chiuta widu; ndipo waŵenge nge ndi fuku mwaku Yuda; ndi Ekroni waŵenge nge ndi ŵaYebusi.

Hoseya 12:9

Ndine Ambuya Chiuta wako, kutuwa ku charu cha Egipiti; nkhakujarikanga so mu mahema nge ndi mu mazuŵa gha madghera ghakumikika.

Yeremiya 51:57

Ndikaloŵereskanga mafumu ghake, ndi ŵazeru ŵake, ŵamirizi ŵake, ŵakulamula ŵake, ndi ŵankhondo ŵake; ŵakagonanga tulo twambura kumara, watiti Karonga, yo zina lake ndi Chiuta wa maŵanja.

Yeremiya 48:15

Wakuparghang'a Moabu ndi misumba yake waza, ndipo ŵanyamata ŵake ŵakutowa ŵasikiya kukubayika, watiti Karonga, yo zina lake ndi Ambuya ŵa maŵanja.

Yeremiya 46:18

“Ndichiŵa wamoyo, watiti Karonga, yo zina lake ndi Ambuya ŵa maŵanja, uli ndi Taboro mu mapiri ndi uli ndi Karmele, mu mphepete mwa nyanja, ndimo wakazanga.

Yesaya 6:5

Ndipo ine ndinguti, “Wasoka ndine! Pakuti ndasoŵa, pakuti nde munthu wa milomo yambura ku photoka, ndipo ndija mukati mu ŵanthu ŵa milomo yambura kuphotoka, pakuti maso ghangu ghawona karonga Ambuya ŵa maŵanja!”

Ezra 3:4

Ŵanguchita so dghera la misasa, uli ndimo kukulembeke ndi kupereka sembe zakocha zuŵa ndi zuŵa, unandi wake kuyana ndi dangu la zuŵa ndi zuŵa.

2 Mikoka 8:13

nge ndimo mlimu wa zuŵa ndi zuŵa weneriyanga, pakupereka mipasku kwakulingana ndi dangu laku Mosese pa masabata ndi pa myezi yifya ndi pa madghera ghakutemeka ghatatu mu chirimika, dghera la chiŵande chambura mtupu, dghera la sabata, ndi dghera la misasa.

Sumu 66:4

Charu chose chapasi chisopa imwe; ŵakoŵere marumbu kwaku imwe, ŵakoŵere marumbu ku zina linu.”

Yesaya 18:7

Pa nyengo yiya vyaulera vikatolekiyanga ku Ambuya ŵa maŵanja, kutuwa ku ŵanthu ŵatali ndi ŵakoloŵa, ku ŵanthu wo ŵatopeka pafupi ndi kutali, mtundu wanthazi ndi wakuthereska, wo charu chake chikugaŵika ndi misinji, ku phiri Zioni, malo gha zina la Ambuya ŵa maŵanja.

Yesaya 19:21

Ndipo Ambuya akajiziŵiskanga ku ŵaEgipiti, ndipo ŵaEgipiti ŵakaziwanga Ambuya mu zuŵa liya ndi kusopa pamoza ndi mipasku yakocha, ndipo ŵakarapanga ku Ambuya ndi kufiska marapu gho.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Mika 4:2

ndi mitundu yinandi yikazanga ndi kunena kuti: “Tiyeni tikwere ku phiri la Ambuya, ku nyumba yaku Chiuta waku Yakobe; mwakuti watisambizge nthowa zake ndi kuti tendenge mwaku zo.” Chifukwa ku Zioni kukatuwiyanga dangu, ndi mazu gha Ambuya ghakatuwiyanga ku Yerusalemu.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.