Zekariya 14:11 - Tonga Bible 1986

¹¹ Ndipo ŵanthu ŵajenge mwenimo, chifukwa kuti kuŵenge so thembo cha; kweni Yerusalemu wajenge kwakufwasa.

Zekariya 14:11 Referans Kwoze

Chivumbuzi 22:3

Ndipo kuti chikaŵangapo so cha chakutembeka chose: kweni chitengu-chaufumu chaku Chiuta ndi cha Mwana-mberere chiŵenge mwenimo; ndipo ŵaŵanda ŵake ŵamteŵetiyenge;

Amosi 9:15

Ndiŵapandenge pa charu chawo, kuti ŵakazuwikanga so cha mu charu cho ndaŵapaska,” atiti Ambuya Chiuta winu.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

Zekariya 8:8

ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

Zekariya 8:4

Viyo ndimo anene Ambuya ŵa maŵanja; Madoda ndi nchembere ŵakajanga so mu ŵagurwi ŵaku Yerusalemu, yose ndi ndodo yake mu janja lake chifukwa cha ukhongwe.

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Yoele 3:20

Kweni Yuda waŵenge ndi ŵanthu ŵakujamo muyaya, ndi Yerusalemu ku migonezi yose.

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Ezekiele 37:26

Ndikapangananga nawo phanganu la chimangu; likaŵanga phanganu la muyaya ndi iwo; ndiŵatumbikenge ndi kuŵandaniska ndipo ndikajarikanga malo ghangu ghakupaturika mukati mwawo muyaya.

Yeremiya 31:40

Dambo lose la viŵanda ndi vyoto, ndi minda yose kwachifika ku kamsinji ka Kidroni, kwachifika ku chisongo cha Likomo la Kavalo kurata ku vuma, pose pakaŵanga malo ghakupaturikiya ku Ambuya. Kuti ukazuwikanga nanga nkhubwangandulika so cha muyaya.”

Yesaya 66:22

“Pakuti nge ndi machanya ghafya ndi charu chapasi chifya, vyenivyo ndikachitanga, vikajaliriyanga paurongo pangu, atiti Ambuya; viyo ndimu mphapu zinu ndi zina linu vikajaliriyanga.

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Maŵerengedu 21:3

Ndipo Ambuya anguvwa mazu ghaku Yisraele, anguŵapereka ŵaKanani; viyo ŵanguŵapasuwa pamoza ndi misumba yawo; chifukwa ichi malo gha ghangudanika Horoma.

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.