Zekariya 14:10 - Tonga Bible 1986

¹⁰ Charu chose chiŵenge chidika kutuwa ku Geba kwachifika ku Rimoni ku mwera kwa Yerusalemu. Kweni Yerusalemu wajenge wakutumphuka pa malo ghake, kutuwa ku Likomo laku Benjamini kwachifika ku malo gha likomo la kale, ku Likomo laku chi Ngodya ndi kutuwa ku Msumba waku Hamanele kwachifika ku vyakupondiyamo mphereska vya karonga.

Zekariya 14:10 Referans Kwoze

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Yoswa 15:32

Lebaoti, Shilhimi, Aini, ndi Rimoni: yose pamoza yenga machumi ghaŵi pachanya nkhonde ndi yinayi pamoza ndi mizi yake.

Yeremiya 37:13

Penipo wenga pa chipata chaku Benjamini, mulinda yo wanguŵapo wakudanika Irija mwana waku Shelemiya, mwana waku Hananiya, wangumuko Yeremiya mchimi, wanguti, “Upatuka iwe ku ŵaKaldiya.”

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

1 ŴaKaronga 15:22

Sono karonga Asa wangumemeza ku ŵaYuda wose pengavi yo wangurekeka, ndipo ŵangunyamuwa mya yaku Rama ndi mathabwa ghake, vyo Basha wanguzenge, ndipo ndi vyenivi karonga Asa wanguzenga Geba waku Benjamini ndi Mizipa.

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Yeremiya 38:7

Penipo Ebedimeleke mu Etiopia, wamuthenu, mweniyo wenga mu nyumba ya karonga, wanguvwa kuti Yeremiya ŵamuŵika mu chisima karonga wanguja pasi mu Likomo la Benjamini,

Nehemiya 3:1

Sono Eliyashibu mzukuru mura wangupamphuka pamoza ndi ŵabali ŵake ŵazukuru ndi ŵanguzenga likomo la mberere. Wangulipatuwa ndi ŵanguŵikamo visasa; ŵangulipatuwa mpaka kwachifika pa sonjo wa machumi pe chumi (100), kwachifika ku sonjo waku Hananele.

Ŵeruzgi 20:47

Kweni ŵanthu machumi pe chumi ghankhonde ndi limoza (600) ŵangung'anamuka, ŵanguthaŵa kurata ku bozwa ku jarawe laku Rimoni, ndipo ŵanguja pa jarawe laku Rimoni miyezi yinayi.

Ŵeruzgi 20:45

Ndipo ŵangung'anamuka ŵanguthaŵa kurata ku bozwa; kweni nkhondo yinguŵazinga ndipo wo wangutuwa mu msumba ŵanguŵabaya mukati mwawo.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Yesaya 10:29

wambuka pa fita, wagona pa Gebe ndi usiku, Rama watenthema, Gibea waku Sauli wathaŵa.

Yesaya 2:2

Ghazamufiskika mu mazuŵa gha pavuli kuti phiri la nyumba ya Ambuya lazamchitika kuŵa litali kwakuruska mapiri ghanyake, ndipo lazamtumphuskika pachanya pa mithuthu; ndipo makhamu ghose ghazamuwungana kwaku lo,

Nehemiya 12:39

ndi pachanya pa Likomo laku Efraimu ndi kwachidumuwa pa Likomo Lakale, ndi pa Likomo la Somba ndi Sonjo waku Hananele ndi Sonjo wa Machumi pe chumi kuya ku Likomo la Mberere; ndipo ŵanguma pa Likomo la Ulonda.

2 Mikoka 25:23

Yoashi karonga waku Yisraele wanguko Amaziya karonga waku Yuda, mwana waku Yoashi, mwana waku Ahaziya pa Beteshemeshi ndi wangumtole ku Yerusalemu ndi wangubwanganduwa linga la Yerusalemu, mikono machumi pe chumi ghanayi (400) kutuwa ku likomo laku Efraimu kufika ku likomo lapa chingodya.

1 Mikoka 6:77

ku ŵakujapo ŵa ŵina Merari ŵangugaŵikiya mu fuku laku Zebuluni: Rimono ndi mauliska ghake, Taboro ndi mauliska ghake,

1 Mikoka 4:32

Mizi yawo yenga iyi Etamu, Aini, Rimoni, Tokeni, ndi Ashani, mizi yinkhonde,

Ŵeruzgi 21:13

Sono mpingu wose ungutuma mazu ku ŵaBenjamini wo ŵenga pa jarawe laku Rimoni, ndipo ŵanguŵamemeze iwo chimangu.

Yoswa 21:17

kutuwa ku fuku laku Benjamini Gibeoni ndi mauliska ghake, Gaba ndi mauliska ghake,

2 ŴaKaronga 14:13

Ndipo Jehoashi karonga waku Yisraele wanguko Amaziya karonga waku Yuda, mwana waku Jehoashi, mwana waku Ahaziya, pa Beteshemeshi, wanguza ku Yerusalemu, ndipo wangubwanganduliya pasi chimati cha Yerusalemu pa thalika la mikono machumi pe chumi ghanayi kwamba pa Likomo la Efraimu kwachifika ku Likomo la Chisongo.

Yeremiya 20:2

Sono Pashuru wangupuma Yeremiya mchimi yo, ndipo wangumumanga mu matangaja ghenigho ghenga mu Likomo laku Benjamini la panena la nyumba ya Ambuya.

2 Mikoka 26:9

Ndipo so Uziya wanguzenga vitanthali mu Yerusalemu pa Chingodya cha Likomo ndi pa Dambo la Likomo, ndi pa Fyakanya, ndi wanguvizingirizga ndi malinga.

Mika 4:1

Mu mazuŵa ghakumariya phiri la nyumba ya Ambuya likamikikanga kuŵa litali kuruska mapiri ghose, ndipo likatumphuliskikanga kuŵa litali kuruska mapiri ghose; ndipo ŵanthu ŵamundonde kwaku lo,

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.