Zekariya 12:8 - Tonga Bible 1986

⁸ Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Zekariya 12:8 Referans Kwoze

Zekariya 9:8

Viyo ndizengenge msasa ndi kuja pa nyumba yangu nge ndi mlonda, kuti munthu wareke kwenda uku ndi uku; ndipo kuwulevi wakuŵasuzga, kuŵapofya, chifukwa sono ndiwona ndi maso ghangu.

Zekariya 2:5

Chifukwa ine ndiŵenge kwaku wo linga la moto kwakuzunguriya, atiti Ambuya, ndipo ndiŵenge unkhankhu mukati mwakuwo.’ ”

Mika 7:16

Mitundu yikawonanga ndikukoreka soni chifukwa cha nthazi zawo zose; ŵakaŵikanga manja ghawo pa milomo yawo; makutu ghawo ghakagatanga;

Mika 7:8

Mungasekeriyanga paku ine cha, mwa ŵarwani ŵangu, ndichiwa, nkhayukanga; ndichija mu mdima, Ambuya akaŵanga ukweru kwaku ine.

Yoele 3:10

Sulani mayembe ghinu ghaŵe malipanga, ndi vipopo vinu viŵe mikondo. Warekeni ŵakulombotoka ŵanene, “Nde chinkhara.”

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”

Chivumbuzi 22:13

Ine ndine Alfa ndi Omega, wakudanga ndi wakumariya yo, chandu ndi umari.”

ŴaHebere 11:34

ŵanguzimwa nthazi ya moto, ŵangupozomoka ku uyi wa lipanga ŵanguthaziskika mu unthomboru, ŵanguŵa ŵakukhwima mu nkhondo, ŵanguthereska maŵanja gha ŵalendo.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

ŴaRoma 9:5

ŵeniwo mbaseku, ndi mwaku ŵeniwo uli nkhu liŵavu wanguziya Kristu, yo we pachanya paku wose, Chiuta wakutumbikika muyaya. Ameni.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Hoseya 12:3

Mu nthumbu wanguko chitende cha mbali wake; ndipo wanguti waŵa mura wangulimbana ndi Chiuta.

Yeremiya 27:10

Mautesi gheniwo ŵachima kwaku, kuti ndikudikiskeningimo, ndipo mukafwanga.

Yesaya 63:9

Mu kuyuzgika kwawo kose iyo nayo wanguyuzgika, kweni mungelo wakuma pa maso pake wanguŵataska; mu chanju chake ndi chitima chake wanguŵawombo; wanguŵasoska ndi kuŵanyamuwa mazuŵa ghose gha kali.

Yesaya 53:3

Wangunyozeka ndi kupatika ndi ŵanthu; munthu wa vitima, ndi wakuziŵiriya vyakupweteka; ndi mweniyo ŵanthu ŵatumubisa visku vyawo wangunyozeka, ndipo ifwe tengavi kumtumbika.

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Yesaya 30:26

Nakweni nako ukweru wa mwezi ukaŵanga nge mbukweru wa lumwi, ndipo ukweru wa lumwi ukaŵanga wakufwapo kankhonde ndi kaŵi, uli mbukweru wa mazuŵa ghakhonde ndi ghaŵi, mu zuŵa lo Ambuya akamangiyanga chironda cha ŵanthu ŵawo, ndi kuchizga mabala ghakuchitika ndi kumpuma kwawo.

Sumu 82:6

Ine ndinguti, “Ndimwe ŵachiuta, mose imwe, mwe ŵana ŵa Wapachanya Limu;

Hoseya 1:7

Kweni nkhaŵanga ndi lisungu ndi nyumba yaku Yuda, ndipo ndiŵataskenge ndi nthazi ya Ambuya Chiuta wao; kuti nkhaŵataskanga ndi uta cha, pamwenga lipanga, pamwenga nkhondo, pamwenga ŵakavalo, pamwenga ŵakukwera pa ŵakavalo.”

Chituwa 14:19

Sono mungelo waku Chiuta yo wendanga paurongo pa liŵanja la ŵaYisraele wangundere ndi wanguja kuvuli kwawo; ndipo chiguŵa cha mtambo chingutuwako kuurongo kwawo ndi chinguma kuvuli kwawo.

Chituwa 33:2

Ndipo ndikatumanga muthenga paurongo pinu, ndipo ndikadikiskangamo ŵaKanani, ŵaAmori, ŵaHiti, ŵaPerizi, ŵaHivi, ndi ŵaYebusi.

ŴaLevi 26:8

Ŵankhondo ŵaku imwe ŵakadikiskanga machumi pe chumi (100) machumi pe chumi (100) ŵaku imwe ŵakadikiskanga vikwi chumi (10,000); ndipo ŵamawongo ŵinu ŵakawanga ndi lipanga paurongo pinu.

Yoswa 23:10

Munthu yumoza waku imwe wadikiska ŵanthu chikwi, pakuti mba Mbuya Chiuta winu yo watikurwiyani nge ndimo wangupangirana namwe.

Sumu 8:5

Pakuti mwamuperezgako kamanavi kwaku Chiuta, ndipo mwamuvwarika unkhankhu ndi ulemu.

Yesaya 31:4

Pakuti viyo ndimu Ambuya angundinene, Nge ndimo nkharamu pamwenga nkharamu ya mpupuka yikorome pa nyama yake, ndi penipo mpingu wa ŵaliska wadanikiyako kulimbana nayo kuti yitofyerwa ndi kukambura kwawo cha pamwenga kuthaŵa chifukwa cha chiwawa chawo, viyo Ambuya ŵa maŵanja akasikanga kuzachirwa pa phiri Zioni ndi pa kamtunthu kake.

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Yesaya 33:24

Ndipo pakaŵangavi wakujamo mu muzi wo yo wakakambanga kuti, “Ndatama”; ŵanthu ŵakuja mwenimuwa ŵakagowokerekiyanga mauheni ghawo.

Zekariya 10:7

Ndipo Efraimu waŵenge nge ndi ngwazi, mitima yawo yikondwenge nge ŵamwa vinyo. Ŵana ŵawo ŵawonenge ndi ŵakakondwanga, mitima yawo yikondwenge mu Ambuya.