Zekariya 12:6 - Tonga Bible 1986

⁶ Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Zekariya 12:6 Referans Kwoze

Obadiya 1:18

Nyumba yaku Yakobe yiŵenge moto, ndi nyumba yaku Yosefe mlipu; ndipo yaku Esau yiŵenge viputu; ŵakaviwochanga ndi kuvimara, ndipo paulengevi ŵakujapo ŵamu nyumba yaku Esau; chifukwa Ambuya akamba.

Zekariya 2:4

ndipo wanguti kwaku iyo, “Chimbiya, unene munyamata yuwa, kuti, ‘Yerusalemu wakaŵanga ndi ŵanthu ŵakujamo nge ndi mizi yambura malinga, chifukwa cha unandi wa ŵanthu ndi ng'ombe mwenimo.

Zekariya 9:15

Ambuya ŵa maŵanja aŵavikiriyenge; ndipo amarenge ndi kukandirizgiya pasi wo ŵapong'a mya; ndipo ŵamwenge ndopa zawo nge ndi vinyo, ndipo ŵazazikenge nge ndi mbali fwa, ŵangotenge nge ndi ngodya za jochero la sembe.

Mika 4:13

Yukani ndi mukhweme, mwa ŵanthu ŵaku Zioni; pakuti ndisanduskenge sengwe lino kuŵa chisulu, ndi vikandiro vino kuŵa vyamkuŵa; mukapikitanga ŵanthu ŵanandi, ndi kupatuliya Ambuya chanduwu chawo, usambasi wawo mukapatuliyanga Ambuya wa charu chose chapasi.

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

Yesaya 54:3

Pakuti ukatambalukiyanga kose ku marghe ndi ku maze, ndipo mphapu yako yikaharanga mitundu ndipo ŵakaŵikangamo ŵanthu mu mizi ya uyiku.

Yesaya 9:20

Ŵakwamphuwa ku marghe, kweni ŵeche ndi nja mbwenu, ndipo ŵaturgha ku maze, kweni kuti ŵaguta cha, we yose waturgha nyama ya munyake,

Chivumbuzi 20:9

Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha.

2 ŴaKorinte 6:7

mu mazu gha uneneska, mu nthazi yaku Chiuta, ndi vidya vya urunji ku marghe ndi ku maze,

Zekariya 11:1

Jura makhomo ghako iwe Lebanoni, kuti moto woche milanji yako!

Zekariya 2:12

Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.

Zekariya 12:5

Penipo mafuku ghaku Yuda ghatinge, ‘Ŵakuja mu Yerusalemu ŵe ndi nthazi mwa Ambuya, Chiuta wawo wa maŵanja.’