Zekariya 12:5 - Tonga Bible 1986

⁵ Penipo mafuku ghaku Yuda ghatinge, ‘Ŵakuja mu Yerusalemu ŵe ndi nthazi mwa Ambuya, Chiuta wawo wa maŵanja.’

Zekariya 12:5 Referans Kwoze

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Sumu 18:32

Chiuta yo wakundichinyiriya ndi nthazi, ndi kuchita nthowa yangu kuŵa yamampha.

Sumu 144:1

Atumbikike Ambuya, jarawi langu wo atindisambizga kurwa nkhondo, ndi minwe yangu kupota homwa.

Sumu 18:39

Pakuti imwe mungundivwarika ndi nthazi zakurwiya nkhondo; ŵakundiyukiya mwaŵadidimizgiya pasi pangu.

Yesaya 28:6

mzimu wa cheruzgu chirunji kwaku yo waja mu cheruzgu, ndi nthazi kwaku wo ŵawezge vuli homwa pa chipata.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Yeremiya 33:26

iku ndikapatanga mphapu yaku Yakobe ndi Davidi mteŵeti wangu, ndipo kuti ndikasankhanga yumoza cha wa ŵamphapu yake kuwusa pa mphapu yaku Abrahamu, Yisaki ndi Yakobe. Pakuti ndikaŵachitiyanga so umampha, ndipo ndikaŵanga ndi lisungu paku iwo.”

Yeremiya 30:21

Mura wawo wakaŵanga yumoza wa ŵeneko, wakuŵausa wakatuwanga mukati mwawo; ndikamunderezganga pafupi, wakazanga kwaku ine, pakuti njani yo wangesa kuza yija kwaku ine? atiti Ambuya.

Yesaya 60:17

Mu malo ghambuŵa ndikazanga ndi golide, mu malo gha chisulo ndikazanga ndi siliva; mu malo gha muti, mkuŵa, ndipo mu malo mwa mya ndikazanga ndi chisulo. Ndikaŵachitiyanga chimangu ŵarongozgi ŵinu ndi ŵamazaza ŵinu ukongorekwa.

Yesaya 32:1

Ehe, karonga wakausanga mu ukongorekwa, ndipo mafumu ghakeruzganga mu urunji.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 1:26

Ndipo ndikawezgiyangapo ŵeruzgi ŵinu nge mphakudanga, ndi nduna zinu uli mpha chiyambo. Pavuli mukadanikanga msumba urunji, muzi wamagomekezgeka.”

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yesaya 1:10

Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

Sumu 46:1

Chiuta nchakudingang'amo chidu ndinthazi yidu, movya wakusanirika ukongwa mu suzgu.

Ŵeruzgi 5:9

Mtima wangu utuliya ku ŵakulangula ŵaku Yisraele wo ŵangujipereka ndi mtima wose mukati mu ŵanthu. Tumbikani Ambuya.

Zekariya 12:4

Mu zuwa lo atiti Ambuya, ndikosonge kavalo yose kwakuziziswa, ndi wakukwera yo ndi kufuntha. Kweni ndikaphwerenga nyumba yaku Yuda, mu zuŵa lo ndichikoso kavalo yose wa ŵanthu ndi uchiburumutiya.

Zekariya 14:14

chingana ndi Yuda nayo warwanenge ndi Yerusalemu. Ndipo usambasi wa mitundu yose uwunjikikenge, golide, siliva, ndi vivwalo, vinandi.

Yesaya 28:5

Mu zuŵa liya Ambuya ŵa maŵanja akaŵanga chilemba cha ufumu cha unkhankhu, chifuku cha ufumu cha kutowa, ku ŵanthu ŵake ŵakujapo;

Yesaya 45:24

“Mu Ambuya pe, ŵakakambanga gha paku ine, mburunji ndi nthazi; kwaku iyo wakazanga ndi kulengeskeka, wose ŵeniwo ŵangumuyukiya.