Zekariya 12:10 - Tonga Bible 1986

¹⁰ “Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Zekariya 12:10 Referans Kwoze

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Ezekiele 39:29

ndipo kuti ndikabisanga so chisku changu kwaku iwo cha, po ndipunguliya mzimu wangu pa nyumba yaku Yisraele, atiti Ambuya Chiuta.”

Yeremiya 6:26

Mwa ŵanthu ŵangu, vwarani vigudulu, ndipo mukunkhuwe mu vyoto; muchite chitenje nge nchikuliya mwana munthurumi yumoza pe, maliro ghakuŵaŵa kwakuruska; pakuti kwamabuchibuchi wakubaya yo wakazanga paku ifwe.

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

ŴaRoma 8:26

Ndipo kwakulingana viyo Mzimu nayo watovya unthomboru widu: pakuti tirive kuziŵa cho tirombenge mo kutenere, kweni Mzimu iyo watininizikiya ndi mitamanthu yambura makambika;

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

Mateyu 24:30

sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru.

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

Machitidu gha Ŵakutumika 11:15

Kweni ndichamba ine kukamba, Mzimu Wakupaturika iyo wanguwiya paku wo uli mphaku ifwe so pa mtendeku.

Machitidu gha Ŵakutumika 10:45

Ndipo ŵakuvwana ŵamu ŵakuchinjika wo wose ŵanguza pamoza ndi Petro, ŵanguzizwa kuti pa ŵaMitundu nawo ungupungulikiya mpasku wo wa Mzimu Wakupaturika.

Machitidu gha Ŵakutumika 2:17

‘Ndipo kuŵenge mu mazuŵa ghakumariya, watiti Chiuta, nkhapunguliyanga Mzimu wangu pa ŵanthu wose ndipo ŵamchima ŵana ŵanthurumi ŵinu ndi ŵana ŵanthukazi ŵinu, ndipo majaha ghinu ghamuwona viwoniwoni, ndi madoda ghinu ghamlota maloto;

Yeremiya 50:4

“Mu mazuŵa gha ndimu nyengo yiya, atiti Ambuya, ŵaYisraele ndi ŵaYuda ŵakazanga pamoza, ŵakaliyanga ŵachiza ndipo ŵazamupenja Ambuya Chiuta wawo.

Yeremiya 31:9

Ŵakazanga ndi kuliya, ndipo ndikaŵarongozganga ndi kuŵapembuzga, ndikaŵendeskanga pafupi pa tumisinji twa maji, mu nthowa yakunyoroka mo kuti ŵakaguŵanga cha, pakuti nde wiske waku Yisraele, ndipo Efraimu ndi mwana wangu wa umwali.

Yesaya 32:15

mpaka penipo Mzimu wakutuliya kuchanya wadika paku ifwe, ndi bozwa lisanduka munda wakupasa, ndi munda wakupasa uneneka kuti ndi lisuwa.

Yuda 1:20

Kweni imwe, mwaŵakwanjiwa, pakujizenge pa chivwanu chinu chakupaturika kwakuruska, ndi pakurombe mu Mzimu ŵakupaturika,

Machitidu gha Ŵakutumika 2:37

Ndipo ŵachivwa, ŵanguchontheka mu mtima, ndipo ŵangunene Petro ndi ŵakutumika ŵanyake, “Mwaŵanthu mwaŵabali, tichitengenji?”

Nthanthi 1:23

Phwereni kuchenjezga kwangu, ehe, ndikapunguliyanga maghanughanu, ghangu kwaku imwe; ndikaziŵiskanga mazu ghangu kwaku imwe.

Sumu 51:12

Werezgiyani kwangu kulankha kwautaski winu, ndi mzimu wa wanangwa ndichirikiriyeni.

Mateyu 26:75

Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Nthanthi 4:3

Penipo ndenga mwana pamoza ndi ada, wakoloŵa, ndichiŵa ine pe ndija mu maso gha ama,

Yesaya 45:22

“Weneni kwangu ndi mutaskike, vigoti vyose vya charu chapasi! Pakuti ndine Chiuta, ndipo palivi so munyake.

Yeremiya 31:19

Pakuti ndati ndapatukako ndingung'anamuka mtima, ndipo pavuli ndati ndasambizgika ndingupamantha pa chigha changu; ndingulenga soni, ndingusoŵa kakukamba, pakuti ndingunyamuwa manyazi gha uhurwa wangu.’

Ezekiele 20:43

Kwenikuwa ndiko mukakumbukanga nthowa zinu ndi nchitu zinu zose zo mukujikazuzga nazo; ndipo mukajisuskanga imwe mwaŵeni pa chifukwa cha mauheni ghose gho mwachita.

Ezekiele 37:14

Ndiserezgenge Mzimu wangu mwaku imwe, mukaŵanga ŵamoyo, ndimujarikeninge mu charu chaku mwaŵeni; penipo ndipo mukaziŵanga kuti ine, Ambuya, ndarongoro, ndipo ndachita, atiti Ambuya.”

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Chiyambo 45:1

Sono Yosefe wangutondeka kujiko paurongo paku wose wo ŵanguma pafupi nayo; ndipo wangukambura, “Tuzgani we yose kwaku ine.” Viyo pengavi nanga njumoza wanguŵa nayo pamoza penipo Yosefe wangujivumbuwa mweneko ku ŵana ŵanyake.

Chiyambo 45:2

Ndipo wanguliya kwakubangula, mwakuti ŵa Egipiti ŵanguvwa kuliya ko, ndi ŵa nyumba yaku Farao ŵanguvwa nawo.

Maŵerengedu 21:9

Sono Mosese wanguchita njoka ya mkuŵa, ndipo wanguyipayika pa muti; ndipo asani njoka yinguruma munthu, po wangulereska pa njoka ya mkuŵa wanguchira.

1 Samuele 7:2

Kutuwa pa zuŵa lo bokosi lingufikiya pa Kiriata-jearimi, nyengo yikuru yingujumphapo, akhumba virimika machumi ghaŵi (20) nyumba yose yaku Yisraele yingutenje paurongo pa Ambuya.