Zekariya 11:9 - Tonga Bible 1986

⁹ Viyo ndinguti, kuti, “Ndiŵenge mliska winu cha. Yo yitufwa, yifwenge; yo yibayika, yibayike; zo zajako zirghe nyama za zinyawo.”

Zekariya 11:9 Referans Kwoze

Yeremiya 43:11

Wakazanga kuzachikoso charu cha Egipiti, kupereka ku chideru ŵakutemeke ku soka la chideru, ku uŵanda ŵakutemeke kusoka la lipanga.

Chivumbuzi 22:11

Mzira-urunji yo wachite so uzira-urunji: wawiyu yo waŵe so wawiyu: murunji yo wachitenge urunji: ndipo wakupaturika wajaririyenge so wakupaturika.”

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Yohane 8:24

Ndingukuneniyani kuti mufwenge mu vilakwa vinu: chifukwa asani mureka kuvwana kuti ine ndine iyo, mufwenge mu vilakwa vino.”

Yohane 8:21

Wanguŵanene so, “Ine ndiruta, ndipo mundilembenge, mufwenge mu ulakwi winu: kweniko ndita, kuti muziŵa kuzako imwe cha.”

Mateyu 21:43

“Chifukwa chenichi ndikuneniyani, ukwamphulikenge kwaku imwe ufumu waku Chiuta, ndipo upaskikenge ku mtundu wakupasa vipasi vyake. [

Mateyu 21:19

Ndipo pakuwona mkuyu umoza mu mphepete mu nthowa, wanguza kwaku wo, ndipo kuti wangusaniyamo kanthu cha, kweni mane pe, ndipo watiti kwaku wo, “Pako pangaŵa so chipasi cha muyaya!” Ndipo sosonukweni ungumira mkuyu wo.

Mateyu 15:14

Warekeni: mbachirongozgi ŵachiburumutiya. Ndipo asani wachiburumutiya warongozga wachiburumutiya, wose ŵaŵi ŵawenge mu zenje.”

Ezekiele 5:10

Mu chifukwa cho auskeu ŵakarghanga ŵana ŵawo mukati mwinu, ndipo ŵana ŵakarghanga auskeu; ndikaŵikanga cheruzgu paku imwe, ndipo we yose wakujapo mwaku imwe ndikamdikiskiyanga ku mphepo zose.

Yeremiya 23:39

chifukwa cho, ehe, kwakuneneska ndikamusoskaninga, ndikukutayani kunyake kutuwapo pa maso pangu, imwe ndi msumba wo, weniwo ndingukupaskani imwe ndi auskemwe.

Yeremiya 23:33

“Penipo yumoza waku yaŵa, pamwenga mchimi, pamwenga mzukuru watikufumba, ‘Njine mphingu ya Ambuya?’ Ukatinge kwaku iwo, ‘Mphingu yo ndimwe, ndipo ndikakutayaninga, atiti Ambuya.’

Yeremiya 19:9

Ndipo ndikaŵarghiskanga nyama ya ŵana ŵawo ŵanthurumi ndi ŵana ŵawo ŵanthukazi, yose wakarghanga nyama ya mwanasi wake mu kuzingizgika ndi mu suzgu yo ŵakupindikana ŵawo ndi ŵeniwo ŵapenja kuŵabaya ŵaŵasuzgenge nayo.’

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

Zekariya 13:8

Ndipo kuŵenge kuti, mu charu chose, atiti Ambuya, vigaŵa viŵi vidumukeko vifwi; kweni chigaŵa chachitatu chijenge mwenimo.