Zekariya 11:8 - Tonga Bible 1986

⁸ Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Zekariya 11:8 Referans Kwoze

Yohane 15:18

“Asani charu chitukutinkhani ziŵani kuti chadanga chitinkha ine, chenga chindatinkhe imwe.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Yesaya 49:7

Viyo atiti Ambuya, Muwombozi waku Yisraele ndi Mtuŵa wake Yumoza, kwaku yo wakuyeyeka limu, wakutinkhika ndi mitundu, mteŵeti wa ŵeruzgi: “Ŵakaronga ŵakawonanga ndi ŵakayukanga; ŵana ŵa mafumu ŵakalambanga ŵija; chifukwa cha Ambuya, wo mbamagomekezgeka, Mtuŵa Yumoza waku Yisraele yo wakusankha.”

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Hoseya 5:7

Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Yeremiya 14:21

Rekani kutitaya, chifukwa cha zina linu; rekani kuyuyuwa chitengo chinu cha unkhankhu; kumbukani phanganu linu ndi ifwe, rekani kuliswa.

Yeremiya 12:8

Ŵanthu ŵangu ŵaŵa kwaku ine uli ndi nkharamu mu dambo, ŵatinditafuliya; chifukwa cho ndaŵatinkha.

Sumu 106:40

Viyo Ambuya angukara ndi khamu lawo, angukwiyiskika nawo;

Marangu 32:19

“Ambuya anguchiwona ndi anguvisuska chifukwa chakukaripiskika ndi ŵana ŵawo ŵanthurumi, ndi ŵana ŵawo ŵanthukazi.

ŴaLevi 26:44

Ndipuuli, po ŵeche mu charu cha ŵamawongo ŵawo, kuti ndikaŵatayanga cha chingana nkhuŵakana, kuti ndiŵamariye limu wose ndi kureka phanganu langu lo ndingupangana nawo; pakuti Ine ndine Ambuya Chiuta wawo:

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

ŴaLevi 26:11

Ine ndikajanga mukati mwaku imwe, ndipo kuti ndikakutinkhaninga cha.

Luka 12:50

Kweni chibatizo nde nacho kwachibatizikiyamo, ndipo uli ndifinyirizgika mpaka penipo chingafiskika;

Sumu 78:9

Ŵina Efraimu, wo ŵangurwa ndi mauta, ŵanguthaŵa mu zuŵa la khondo.

Sumu 5:5

Wakujirumba kuti wangama paurongo pa maso ghinu cha; mutinkha wose wakuchita utimbanizi.

Yeremiya 6:30

Ŵadanika siliva lakupatika, pakuti Ambuya aŵapata iwo.”

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.

Ezekiele 16:45

Iwe ndiwe mwana munthukazi wa anyoko, yo wakutinkha murumi wake ndi ŵana ŵake; ndipo iwe ndiwe mzichi waŵana ŵanyako, wo ŵangutinkha ŵarumi ŵawo ndi ŵana ŵawo. Anyoko ŵenga ŵaHiti ausu wenga ŵaAmori.

Hoseya 4:6

Ŵanthu ŵangu ŵanangika chifukwa chakuŵavi zeru, chifukwa mwapata zeru, ine nane nditukupata kuŵa mzukuru wangu. Chifukwa waruwa dangu laku Chiuta wako, nane ndiruwenge ŵana ŵako.

1 ŴaKaronga 11:25

Wenga wakupindikana wa ŵaYisraele mu mazuŵa ghose ghaku Solomoni, wachitanga vya mbanda nge ndimo wachitiyanga Hadadi; kweni wangutinkha Yisraele, wanguwusa mu Siriya.