Zekariya 11:4 - Tonga Bible 1986

⁴ Viyo atiti Ambuya Chiuta wangu: “Uŵi mliska wa mskambu wo wamubayika.

Zekariya 11:4 Referans Kwoze

Zekariya 11:7

Viyo ndinguŵa mliska wa mskambu wo wamubayikiya wo ŵagulananga mberere. Ndipo ndingujitore ndodo ziŵi; yimoza ndinguyidana Wezi, yinyake Kurungana. Ndipo ndaliskanga mberere.

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

ŴaRoma 15:8

Chifukwa ndititi, Kristu wachitika mteŵeti wa mchinju chifukwa cha uneneska waku Chiuta, kuti wakhozge mapanganu ghakupaskika ku ŵambuyafwe,

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Mateyu 15:24

Kweni wakwamuka iyo wanguti, “Ndikutumikiya ku mberere zakutayika za nyumba yaku Yisraele pe.”

Zekariya 14:5

Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.

Sumu 44:22

Awa, chifukwa chinu tibayika zuŵa lose, tapimikiya nge ndi mberere zakubayika.