Zekariya 11:17 - Tonga Bible 1986

¹⁷ Owe, mliska wangu wambura kwenere, yo wajowo mskambu wake! Lipanga liteme pa janja lake ndi pa jiso lake la marghe! Janja lake limire gwangwata ndi jiso lake la marghe litoroke limu!”

Zekariya 11:17 Referans Kwoze

Yeremiya 23:1

“Soka ku ŵaliska wo ŵabwanganduwa ndi kuparghang'a mberere za uliska wangu!” atiti Ambuya.

Ezekiele 13:3

Viyo atiti Ambuya Chiuta, Soka lo, ku zinchimi zakupusa zo zirondo mzimu wa ŵeneko, ndipo kuti zawona kanthu cha!

1 ŴaKorinte 8:4

Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.”

Ezekiele 34:2

“Mwana wa munthu, uchimi kumikana ndi ŵaliska ŵaku Yisraele, chima, uŵanene kuti, inya ku ŵaliska, Viyo atiti Ambuya Chiuta: Owe, ŵaliska ŵaku Yisraele imwe mwajiriska mwaŵeni! Kumbi asi ŵaliska ŵatenere kuliska mberere?

Mateyu 23:16

“Owe kwaku imwe, mwaŵarongozgi ŵachiburumutiya, mwakukamba, ‘Yo wangarapiya pa kasopi, kuti nkhanthu cha; kweni yo wangarapiya pa golide la kasopi wamangika ndi rapu lo.’

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

ŴaRoma 11:7

Na uli? Cho wachilembe Yisraele, kuti wafikapo paku chenicho cha; kweni ŵakusankhika ndiwo ŵafikapo, ndipo ŵakujapo ŵanonopeskeka:

Yohane 12:40

“Waburumutuzga maso ghawo, ndipo wanonopeska mtima wawo; vinu ŵangalereska ndi maso ghawo, ndi ŵangawamo ndi mtima wawo, ŵangang'anamukiya kwaku ine ndipo ine ndingaŵachizga.”

Yohane 9:39

Yesu wanguti, “Ine ndikuziya cheruzgu mu charu chino, mwakuti wambura kuwona wawone; ndi wakulereska waŵe wachiburumutiya.”

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Yeremiya 22:1

Viyo atiti Ambuya, “Ruta usikiye ku nyumba ya karonga waku Yuda, ndipo ukakambe mazu yagha,

Yesaya 44:10

Mbayani wo ŵatata chiuta pamwenga ŵatenguwa ngoza yo kuti watanduwa kanthu cha?

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 9:15

Mura ndi munthu wa ulemu ndiyo mutu, ndipo mchimi yo wasambizga utesi ndiyo mchiya;

1 ŴaKaronga 13:4

Penipo karonga wanguvwa kakambidu ka munthu waku Chiuta, ko wangubongole pa chiguŵa cha sembe pa Betele, Yeroboamu wangutambaruwa janja lake kutuwa ku chiguŵa cha sembe wanguti, “Mukoni.” Ndipo janja lake, lo wangutambaruliya pake, lingumila gwa viyo kuti wangutondeka kuliwezge ku mweneko.

1 Samuele 2:31

Awona, mazuŵa ghatuza, po ndikadumuwanga nthazi yako ndi nthazi ya nyumba ya ausu, mwakuti kureke kuzachiwoneka munthu wakukota mu nyumba yako.

Zekariya 10:2

Pakuti ŵangoza ŵakamba vyawaka, ndi ŵamawula ŵawona utesi; ndi ŵakulota ŵakamba maloto gha utesi, ndi kusangaruska ŵaka. Chifukwa ichi ŵanthu ŵayinga-yinga ŵaka nge ndi mberere; ŵasuzgika chifukwa ŵalivi muliska.

Zekariya 11:15

Ndipo Ambuya anguti kwaku ine, “Jitore so vyakuteŵete vya mliska wambura kwenere.