Zekariya 11:12 - Tonga Bible 1986

¹² Ndipo ndinguti kwaku iwo, “Asani nchamampha mu maso ghinu ndipaskeni mphoto yangu; kweni asani cha rekani.” Viyo ŵangupima uzitu wa mphoto yangu; ndrama za siliva machumi ghatatu (30).

Zekariya 11:12 Referans Kwoze

Mateyu 26:15

Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu.

Chituwa 21:32

Asani ng'ombe yangwaza muŵanda munthurumi pamwenga munthukazi, mweneko waku yo wakalipanga ku mbuya wawo ndrama machumi ghatatu (30) za siliva, ndipo ng'ombe yidinikenge ndi mya.

Chiyambo 37:28

Sono ŵamaronda ŵa Midiani ŵangudumuwapo; ndipo ŵangumuskoska Yosefe ndi ŵangumutuzgiya kubwalo kwa zenje lo, ndi ŵangumuguliska ku ŵaYishumaele pa mashekelo gha siliva machumi ghaŵi; ndipo ŵanguruta nayo Yosefe ku Egipiti.

Yohane 13:2

Ndipo wachoneska diabolo yo wati waŵikamo kali mu mtima waku Yuda mKeriote, mwana waku Simoni, kuti wampachiye.

1 ŴaKaronga 21:2

Ndipo pavuli paku ichi Ahabu wanguti kwaku Naboti, “Undipaske munda wako wa mphereska, kuti ndiwusanduske munda wa minkhwani, pakuti we pafupi ndi nyumba yangu, ndipo ndikakupaskanga munda wa mphereska wamamphaku kuripa wo, pamwenga asani chiwoneka kuŵa chamampha kwako, ndikakupaskanga ndrama pa mtengo wake.”

2 Mikoka 30:4

ndipo fundu iyi yinguŵa yamampha ku karonga ndi ku wumba wose.

Mateyu 27:9

Penipo lingufiskika nenedu lo lamwaku Yeremiya mchimi yo, lakuti, “Ndipo ŵanguto vyasiliva machumi ghatatu gho, mtengu waku mweniyo paku mweniyo mtengu ungutemeke ndi ŵanyake ŵamu ŵana ŵaku Yisraele,

Mateyu 27:10

ndipo ŵanguvipaska pa munda wa muwumbi wo, nge ndimo Mbuya wangundilanguliya.”

Chiyambo 23:16

Abrahamu wanguzomerezgana ndi Efroni; ndipo Abrahamu wangumupimiya Efroni siliva mweniyo wanguzumbuwa mu makutu gha ŵaHiti, ndrama za siliva machumi pe chumi ghanayi (400) kwakulingana ndi myeso ya nyengo yo mu ŵamalonda.

1 ŴaKaronga 5:6

Chifukwa ichi, langulani kuti ŵanditeme milanje yaku Lebanoni; ndipo ŵaŵanda ŵangu ŵazamsere pa ŵaŵanda ŵinu, ndipo ine ndikulipileninge chifukwa cha ŵaŵanda ŵinu mitengo yo imwe mutemenge; pakuti muziŵa kuti mulivi nanga njumoza mukati mwidu yo waziŵa kudunuwa mathabwa nge mba Sidoni.”

Yeremiya 32:9

“Ndipo ndingugula munda wo pa Anatoti kwaku Hanamele msiŵani wangu, ndingumupimiya ndrama, ma Shekele chumi ndi ghankhonde ndi ghaŵi gha siliva.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

ŴaLevi 27:4

Asani munthu yo ndi munthukazi, uteme mtengo wake kuŵa ndrama machumi ghatatu (30).