Zekariya 10:3 - Tonga Bible 1986

³ “Ukari wangu ukole kumikana ndi ŵaliska ndipo ndilangenge ŵarongozgi; chifukwa Ambuya ŵa maŵanja aphwere mskambu wawo, nyumba yaku Yuda, ndi aŵasanduskenge nge ndi kavalo wawo wakurumbika mu nkhondo.

Zekariya 10:3 Referans Kwoze

Ezekiele 34:2

“Mwana wa munthu, uchimi kumikana ndi ŵaliska ŵaku Yisraele, chima, uŵanene kuti, inya ku ŵaliska, Viyo atiti Ambuya Chiuta: Owe, ŵaliska ŵaku Yisraele imwe mwajiriska mwaŵeni! Kumbi asi ŵaliska ŵatenere kuliska mberere?

Zekariya 11:17

Owe, mliska wangu wambura kwenere, yo wajowo mskambu wake! Lipanga liteme pa janja lake ndi pa jiso lake la marghe! Janja lake limire gwangwata ndi jiso lake la marghe litoroke limu!”

Zefaniya 2:7

ŴaYuda ŵakujako ŵaŵenge ndi charu cha mumphepete mu nyanja, kweniko ŵaliskenge vyakuŵeta vyawo, ndipo mu nyumba za Ashikeloni ŵagonenge ndi mazulo. Chifukwa Ambuya Chiuta wawo waŵakumbukenge, ndi kuwezga umampha wawo.

Yeremiya 25:34

“Mwenjerwe, imwe ŵaliska; ndipo liyani, kunkhurukani mu vyoto, imwe ŵambuyawo ŵa mskambu, pakuti mazuŵa gha kubayika kwinu ndi kumbininiskika ghafika, ndipo mukaŵanga nge mbabira ŵakusankhika.

Nthanthi 21:31

Kavalo warongosoleke zuŵa lankhondo, kweni kupunda nkhwa Ambuya.

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

Luka 1:68

“Warumbike Mbuya Chiuta waku Yisraele; pakuti walingapo ndi wachitiya uwombozi khamu lake.

Ruti 1:6

Sono wangusoka pamoza ndi ŵakumwana ŵake, kuweko ku charu cha Moabu pakuti ŵeche mu charu cha Moabu ŵanguvwa kuti Ambuya anguchitiya lisungu ŵanthu ŵawo ndi anguŵapaska kurgha.

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Zefaniya 1:8

Ndipo kuŵenge kuti, mu zuŵa lakubayiya sembe ya Ambuya, atinge, “Ndirangenge zinduna ndi wana ŵakaronga, ndi wose wo ŵavwara chivwalo chilendo.

Yeremiya 50:6

“Ŵanthu ŵangu ŵaŵa mberere zakusoŵa; ŵaliska ŵawo ŵaŵa aserezga pa dondo, kuŵawezge kutali ku mapiri; kutuwa ku phiri kuya ku mtunthu ndimu ŵayende, ŵaruwa khora lawo.

Yeremiya 25:12

Kweni pavuli pa virimika machumi ghankhonde ndi ghaŵi (70) ndikalanganga karonga wa Babiloni ndi mtundu weniuwa, charu cha ŵaKaldiya, chifukwa cha utimbanizi wawo, atiti Ambuya, charu chikaŵanga mapopa muyaya.

Yeremiya 11:22

Chifukwa cho atiti Ambuya ŵa maŵanja: “Ehe, ndikaŵalanganga: ŵanyamata ŵakafwanga ndi lipanga: ŵana ŵawo ŵanthurumi ndi ŵanthukazi ŵakafwanga ndi nja,

Yeremiya 10:21

Pakuti ŵaliska mbakupusa, kuti ŵafumbiriya ku Ambuya cha; chifukwa cho ŵalivi kwanduwa, ndipo viŵetu vyawo vyose vyaparghanika.

Yesaya 24:21

Mu zuŵa liya Ambuya akalanganga maŵanja gha kuchanya, mu machanya, ndi ŵakaronga ŵa charu, pa charu chapasi.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.

Sumu ya Zisumu 1:9

Wakwanjiwa wangu nditukulinganizga iwe, ku kavalo munthukazi wa magareta ghaku Farao.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Danyele 11:32

Wapusikenge wose ndi uchenjezi wo wananga phanganu kweni ŵanthu wo ŵaziŵa Chiuta wawo ŵakamanga nganganga ndi kutakataka ndi nthazi.

Jobu 39:25

Po mbata yitumba watiti, ‘Ehe!’ Wanuska nkhondo yake kutali, ndi kupoma kwaŵarongozgi, ndi kukambura.

Ezekiele 34:11

“Pakuti viyo atiti Ambuya Chiuta: Awonani, ine, ine ndamweni ndindondoroskenge mberere zangu, ndipo ndikazipenjanga.