Zekariya 10:1 - Tonga Bible 1986

¹ Pemphani ku Ambuya vuwa mu nyengo ya vuwa yakumariya, ku Ambuya wo akulenga mitambo ya vuwa, wo apaska vuwa, ku ŵanthu wose, kwaku yose vyakume mu munda wake.

Zekariya 10:1 Referans Kwoze

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Yakobe 5:7

Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

Ezekiele 36:37

“Viyo atiti Ambuya Chiuta; Ichi nacho so ndikazomerezganga kuti nyumba yaku Yisraele ŵandipemphe cho ndingaŵachitiya: kwandaniska ŵanthu ŵawo nge ndi mskambu.

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Sumu 65:9

Muchezga ndi charu chapasi pakuchipaska vuwa, mwachisambisiska ukongwa ndi nyata, msinji waku Chiuta ngwakuzaza ndi maji; murongoso mbutu yawo, nadi mutiyirongoso.

Marangu 28:23

Mtambo wo we pachanya pa mutu winu ukaŵanga nge ndi mkuŵa, ndi charu cho che pasi pinu chikaŵanga nge ndi chisulo.

Yohane 16:23

Ndipo mu zuŵa liya kuti mundifumbenge kanthu cha. Nadi ndikuneneskiyani, asani mwazampempha Ada kanthu, mu zina langu wazamkukupaskani.

Mika 5:7

Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Amosi 4:7

“Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;

Hoseya 10:12

Jipandiyeni urunji, vunani chipasi cha lisungu; swani mawongolomwa; chifukwa sono ndi nyengo yakupenje Ambuya, mwakuti ŵaze ndi kung'iska utaski paku imwe.

Ezekiele 34:26

Ndikazichitanga izo thumbiku pamoza ndi malo ghose ghakuzunguliya phiri langu; ndikatumanga vuwa mu nyengo yake; yikaŵanga vuwa yachitumbiku.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 10:13

Ŵachituzga mazu ghake maji ghachita chiwawa kuchanya, ndipo wakwezga nyankhuŵinda ku vigoti vya charu chapasi. Malimphezi ghachiska vuwa, ndipo watuzga mphepo mu mbiku zake.

Yesaya 5:6

Ndikauchitanga mapopa, kuti ŵakaupanthiyanga chingana nkhuulima cha, kankhande ndi minga vikamengamo; ndikalanguliyanga mitambo kuti yireke kung'iyapo vuwa paku wo.

Nthanthi 16:15

Mu ukweru wachisku cha karonga mwe umoyo, ndipo mwaŵi wake we uli ndi mitambo yo tituza ndi vuwa yakudanga.

Sumu 104:13

Mung'iska vuwa pa mapiri kutuwa kuchanya, ndipo charu chazaza ndi vitumbiku vinu.

Yeremiya 51:16

Wachikamba mazu ghake, maji ghanandi ghatuwa mu machanya, ndipo wang'iska nyankhuŵinda, kutuwa ku maumari gha charu chapasi. Wachitiska malimphezi ghapaske vuwa, ndipo watuzga mphepo mu vyakusungiyamo vyake.

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKorinte 3:6

Ine ndingupanda, Apolo wangudiriya maji; kweni Chiuta ndiyo wangumezga.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Sumu 72:6

Karonga waŵe ulaka nge ndimo vuwa yitung'iya pa minda, nge ndimo vuwa yiwazgiya pa charu.

Jobu 29:23

Wangundirindizga nge ndi vuwa: ndipo ŵangujura milomo yawo nge nkhu vuwa ya chizimwa malufya.

Sumu 135:7

Ndiwo asoka mitambo kutuwa ku vigoti vya charu chapasi; achitiska malimphezi ghapaske vuwa, ndi kutuzga mphepo mu vyakusungiyamo vyake.

Yeremiya 5:24

Kuti ŵakamba cha mu mitima yawo, ‘Tiyeni topenge Ambuya Chiuta widu, mweniyo wapaska vuwa mu nyengo yake, vuwa yamtumbuku ndi ya chipwepwe, ndipo watitiŵikiya ŵasabata ŵakupaturikiya kuvuna.’