Zekariya 1:4 - Tonga Bible 1986

⁴ Mungaŵa nge mba uskemwe cha, kwaku ŵeniwo ŵamchimi ŵakale ŵadanirizganga kuti, ‘Viyo atiti Ambuya ŵa maŵanja, weniko ku nthowa zinu ziheni, ndi ku nchitu zinu ziheni, ndi ku nchitu zinu ziheni.’ Kweni kuti wanguvwa cha, pamwenga kundivwiya, atiti Ambuya.

Zekariya 1:4 Referans Kwoze

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Zekariya 1:3

Chifukwa ichi uŵanene, viyo atiti Ambuya ŵa maŵanja, wereni kunu kwangu, atiti Ambuya ŵa maŵanja: ine nane ndiweliyenge kwinu, viyo atiti Ambuya ŵa maŵanja.

1 Petro 1:18

pakuziŵa kuti munguwomboleka, ndi vyakuwo cha, ndi siliva pamwenga golide cha, ku kajaridu kinu kauvumbwa kakurondeka ku ŵauskemwe,

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

Mika 2:6

“Rekani kutaula,” viyo ŵataula, “munthu kuti watenere kutaula ndi vinthu vya viyo cha; soni kuti zikatikonga cha ifwe.”

Amosi 5:24

Kweni rekani uneneska wendi nge ndi maji, ndi urunji nge ndi msinji wakupopoma mazuŵa ghose.

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Yeremiya 44:16

“Kuti tikavwanga cha mazu gho warongoro kwaku ifwe mu zina la Ambuya.

Yeremiya 26:5

ndi kuphwere mazu gha ŵateŵeti ŵangu ŵamchimi ŵeniwo ndituma kwinu, pakuti mulivi kuphwere,

Yeremiya 18:11

Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’

Yeremiya 3:12

Ruta, ukarati maso ku nkhonde, ukamemeze mazu yagha kuti, ‘Weko Yisraele wambura magomekezgeka, atiti Ambuya. Kuti ndikakulereskanga mu ukari cha, pakuti nde wa lisungu, atiti Ambuya; kuti ndikakalipanga muyaya cha.

Yesaya 31:6

Wereni kwaku iyo mweniyo imwe mwagarukako ukongwa, mwa ŵanthu mwe ŵaYisraele.

Nehemiya 9:30

Virimika vinandi mungukunthiyapo, ndi munguŵachenjezga ndi mzimu kukambiya mu ŵamchimi ŵinu; kweni ŵengavi kutegherezgako. Chifukwa cho munguŵapereka mu janja la ŵanthu ŵamu vyaru vyo.

Nehemiya 9:26

“Ndipuuli ŵenga ŵa mtafu ndi ŵangukugalukiyani ndi ŵangutaya dangu linu ku msana kwawo ndi ŵangubaya ŵamchimi ŵinu, ŵeniwo ŵaŵachenjezganga kuti ŵaweriyenge kwinu, ndipo ŵangutukana ukongwa.

Nehemiya 9:16

“Kweni iwo ndi auskefwe ŵanguchita kwakujikuzga ndipo ŵangungangamiska khosi lawo ndipo ŵengavi kuvwiya malamulu ghinu;

Ezra 9:7

Kutuwa ku mazuŵa gha ŵambuyafwe taja mu ubudi ukuru kufika zuŵa linu; ndipo chifukwa cha uheni widu, ifwe, ndi ŵakaronga ŵidu, ndi ŵazukuru ŵidu, taperekeka mu manja gha ŵakaronga ŵa vyaru vinyake, ndi ku lipanga ndi ku umkoli, ndi kukuskoŵeka, ndi kujirengeska taŵeni mo kwaŵiya msana wale.

2 Mikoka 34:21

“Rutani mukandifumbiye ku Ambuya ine ndi ŵanthu wose wo ŵajako mwaku Yisraele ndi mwaku Yuda ndi mazu gha mu buku ili lasanirika, chifukwa nkhakuru kandundu ka Ambuya ko kapunguliya paku ifwe chifukwa ambuyafwe ŵengavi kusunga mazu gha Ambuya, kuchita kwakulingana ndi vyose vyo vingulembe ka mu buku ili.”

2 Mikoka 30:7

Mureke kuŵa nge mbauskemwe ndi ŵabali ŵinu, wo ŵanguŵa ŵambura chigomezgu mu Ambuya, Chiuta wa auskeu, viyo kuti wanguŵapasuwa, nge ndimo muwone.

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Yeremiya 23:22

Kweni asani ŵanguma mu upu wangu, ipo mphanyi ŵangumemeza mazu ghangu ku ŵanthu ŵangu; ndipo mphanyi ŵanguŵang'anamuwako ku nthowa yawo yiheni, ndi ku uheni wa machitidu ghawo.

Ezekiele 20:18

“Ndingukamba ku ŵana ŵawo mu bozwa, Rekani kwenda mu virunguchizgu vya auskemwe, nanga nkhusunga malangulu ghawo, pamwenga kujikazuzga ndi ŵangoza ŵawo.

Ezekiele 33:4

sono asani munyake yo watuvwa kumba kwa mbata muti waronda kucheŵeskeka cha, ndipo lipanga lituza ndi kumutuzgapo, ndopa zake zikaŵanga pa mutu wa mweneko.

Zekariya 7:7

Pa Yerusalemu wenga ndi ŵakujamo ndi usambasi, ndi mizi yake yakumuzungurizga, ndipo ŵanthu ŵajanga kuchiri kumwera ndi mu chidika, kumbi asi ndi yagha mazu gho Ambuya anguwandiska ndi ŵamchimi wawo ŵakale?”

2 Mikoka 30:6

Viyo methenga ghanguruta mu Yisraele yose ndi Yuda ndi ŵakarata ŵakutuwa ku karonga ndi mafumu ghake, kwakuyana nge ndimo karonga wangulanguliya, kuti, “Mwa ŵaYisraele, wereni ku Ambuya, Chiuta waku Abrahamu, Yisaki ndi Yisraele, mwakuti awere so kwaku wo ŵajako ŵaku imwe, wo ŵapozomoka ku manja gha ŵakaronga ŵaku Asiriya.

Yeremiya 3:14

Weko, wa mwana wambura magomezgeka, atiti Ambuya; pakuti nde mbuyako; ndikakutoninga, yumoza kutuwa ku muzi, ndi ŵaŵi kutuwa ku mphapu yimoza, ndipo ndikakutoliyaninga ku Zioni.

Yeremiya 25:8

“Chifukwa cho atiti Ambuya ŵa maŵanja: Chifukwa mulivi kuvwiya mazu ghangu,

Ezekiele 14:6

“Viyo kamba ku nyumba yaku Yisraele, Ambuya Chiuta watiti: Ng'anamukani, weniko ku ŵangoza ŵinu; wezganiko visku vinu ku maunyakazi ghinu ghose.

Danyele 9:6

taŵavwiya cha ŵateŵeti ŵinu ŵamchimi, wo ŵangukamba muzina linu ku ŵakaronga ŵidu, zinduna zidu, auskefwe, ndi ku ŵanthu wose ŵa mu charu.