Zekariya 1:3 - Tonga Bible 1986

³ Chifukwa ichi uŵanene, viyo atiti Ambuya ŵa maŵanja, wereni kunu kwangu, atiti Ambuya ŵa maŵanja: ine nane ndiweliyenge kwinu, viyo atiti Ambuya ŵa maŵanja.

Zekariya 1:3 Referans Kwoze

Malaki 3:7

Kwamba mazuŵa gha auskemwe mwapatuka ku marangu ghangu, ndi mwareka kughasunga. Wereni kwaku ine, ndipo ndiwerenge kwaku imwe, atiti Ambuya ŵa maŵanja. Kweni mutiti, ‘Tikawenga uli?’

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yoele 2:12

Ambuya atiti, “Chingana ndi sono, ng'anamukiyani kwangu ndi mtima winu wose, ndi kunguzga kurgha, ndi kuliya masozi, ndi kutenje;

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Yeremiya 12:15

Ndipo nditakuti ndaŵazuwa, ndikaŵanga so ndi chifundu paku iwo, ndipo ndikaŵatolenga so yumoza ndi yumoza ku chihara chake ndi we yose ku charu chake.

Yesaya 31:6

Wereni kwaku iyo mweniyo imwe mwagarukako ukongwa, mwa ŵanthu mwe ŵaYisraele.

Hoseya 14:4

Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Yeremiya 35:15

Ndakutumiyani ŵateŵeti ŵangu wose ŵamchimi, kuŵatuma kaŵikaŵi, kuti, ‘Ng'anamukaniko yose waku imwe ku nthowa yake yiheni, ndipo musinthe machitidu ghinu, ndipo mungalondonga ŵachiuta ŵanyake cha kuŵatataliya po ndipo mukajanga mu charu chenicho ndingukupaskani imwe ndi auskemwe.’ Kweni kuti munguvwiya cha pamwenga kutegherezga kwangu.

Yeremiya 25:5

kuti, ‘Ng'anamukaniko ku nthowa yinu yiheni ndi kumachitidu ghaheni, ndi muje pa charu cho Ambuya akukupaskani imwe ndi auskemwe kutuliya ku kale mpaka ku muyaya,

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Nehemiya 9:28

kweni pavuli ŵanguti ŵapumuwa ŵangulakwa so paurongo pinu, ndipo imwe munguŵajowole mu janja la ŵakupindikana ŵawo, viyo kuti ŵenga ndi mtufu paku wo; kweni penipo ŵangung'anamuka ndi ŵanguliriya kwaku imwe munguŵavwa ko kuchanya, ndipo nyengo zinandi munguŵapozomoska kwakuyana ndi malisungu ghinu.

2 Mikoka 15:4

Kweni ŵati ŵang'anamukiya kwa Ambuya Chiuta waku Yisraele mu suzgu yawo ndikumpenja, ŵangumsaniya.

Jobu 22:23

Asani uwere ku Wanthazizose, ndi kujiyuyuwa, asani utuzgapo uheni pa hema lako,

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Ezekiele 18:19

“Kweni ndipuuli imwe mutiti, ‘Warekiyengenji kusuzgika mwana pa chifukwa cha uheni wa awiske?’ Asani mwana wachita cho nchadangu ndi chakurunjika, ndipo waŵa wakuphwere kusunga virunguchizgu vyangu vyose, nadi wakajanga ndi umoyo.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

Ezekiele 18:32

Chifukwa kuti ndendi likondwa cha ndi nyifwa ya munthu we yose, atiti Ambuya Chiuta, viyo ng'anamukani, muŵe ndi umoyo.”