Zekariya 1:19 - Tonga Bible 1986

¹⁹ Ndipo ndinguti ku mungelo wa Ambuya yo wangukamba nane. “Ivi ndi vine?” Wangundamuka, “Yagha ndi masengwe gho ghaparghang'a Yuda. Yisraele, ndi Yerusalemu.”

Zekariya 1:19 Referans Kwoze

Zekariya 8:14

Chifukwa viyo atiti Ambuya ŵa maŵanja: “Nge ndimo ndingughanaghaniya kuchita chiheni kwaku imwe po auskemwe ŵangundisosomole ku ukari; ndipo kuti ndingugowoka cha, atiti Ambuya ŵa maŵanja,

Zekariya 2:2

Ndipo ndinguti, “Kumbi uta pani?” Iyo wanguti kwaku ine, “Kwachipima Yerusalemu, kuwona usani wake ndi utali wake mo ulili.”

Zekariya 1:21

Ndipo ndinguti, “Kumbi yaŵa ŵaza kuzachichitanji?” Wangwamuka, wanguti, “Yagha ndi masengwi gho ghaparghang'a Yuda, viyo kuti kwengavi munthu wakuyinuska mutu wake; ndipo yaŵa ŵaziya kuzachiwawofya; kutaya pasi masengwi gha mitundu yo yingusoska masengwi ghawo pa charu chaku Yuda kuchiparghang'a.”

Zekariya 1:9

Viyo ndinguti, ‘Ivi ndi vine mbuyangu?’ Ndipo mungelo wa Ambuya yo wakambanga nane wanguti. ‘Ndikurongo yaŵa kuti mbayani.’

Ezra 4:4

Ndipo ŵanthu ŵamu charu ŵangutomboroska manja gha ŵaYuda, ŵanguŵatenthemeska ŵachizenga.

Ezra 4:1

Ŵarwani ŵaku Yuda ndi Benjamini ŵanguvwa kuti wo ŵakuwe ku umkoli ŵazenganga kasopi wa Ambuya, Chiuta waku Yisraele.

Ezra 4:7

Ndipo mu mazuŵa ghaku Arataserese, Bishilama, ndi Mitiredata, Tabelele ndi ŵanyake ŵakuŵa nawo ŵangulembe Arataserese karonga waku Perese, kalata wakulembeke mu mazu gha chiArama, ndi ghakung'anamulika.

Habakuku 3:14

Mungurasa mutu wa ŵankhondo ŵake ndi mikondo yinu, wo ŵanguza nge ndi kavuruvuru kundiparghang'a, wakukondwa, kusere kwako kwenga nge nkhudoso ŵakavu ku ubendi.

Amosi 6:13

imwe mumukondwere mu kanthu kawaka-waka, mutiti, “Asi tajitole masengwe ndi nthazi zakutaŵeni?”

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Ezra 5:3

Pa nyengo yo kunguŵaziya tatenayi mumirizi wa chigaŵa cha sirgha la msinji, ndi Setarabozenayi ndi ŵanyawo. Wangukamba kuti, “Kumbi ndiyani yo wamulanguliyani kuzenga nyumba iyi ndi kumara chiliŵa ichi?”

1 ŴaKaronga 22:11

Ndipo Zedekiya mwana waku Kenani wangujipangiya masengwe gha chisulo, ndi wanguti, “Viyo atiti Ambuya, ‘Ndi yagha mwamudikiska ŵaSiriya mpaka po ŵamara.’ ”

Sumu 75:4

Ndikamba ku ŵakujikuzga, “Mungajikuzganga cha,” ndi ku ŵaheni, “Mungalongonga nthazi zinu cha;

Sumu 75:5

nditiŵakambiya kuti ŵareke kujiŵikamo, rekani kumika makhosi ghinu.”

Yeremiya 48:25

Sengwe laku Moabu ladumuka, janja lake lafyoka, atiti Ambuya.

Danyele 7:16

Ndingundere kufupi ku yumoza waku wo ŵanguma penipo ndingumufumba uneneska waku ichi chose. Viyo wangundinene, ndi wangundiziŵiska kang'anamuridu ka vinthu ivi.

Zekariya 1:18

Ndipo ndinguyunuska maso ghangu ndipo ndinguwona masengwe ghanayi!