Zefaniya 3:20 - Tonga Bible 1986

²⁰ Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.

Zefaniya 3:20 Referans Kwoze

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Malaki 3:12

Viyo mitundu yose yikatinge mwe ŵakutumbikika, chifukwa mukaŵanga mtundu wakukondweska, atiti Ambuya ŵa maŵanja.

Yesaya 56:5

ŵakarondiyanga kwangu vyamampha kuruska ŵana ŵanthurumi ndi ŵana ŵanthukazi, chikumbusku ndi zina mukati mu nyumba yangu ndi mu viliŵa vyangu; ndiŵapaskenge zina la muyaya, zina lo kuti likamaranga cha nyengo yose.

Zefaniya 3:19

Pa nyengo yo ndimarizgenge wose wo ŵatikusuzga. Nditaskenge ŵakuganthiya, ndi kuwunjika ŵakudikiskika, ndipo nding'anamuwenge soni zawo kuŵa marumbu ndi mbiri mu charu chose chapasi.

Amosi 9:14

Ndituzgengepo umagoŵa wa ŵanthu ŵaYisraele, ndipo ŵazamuzenga so mizi yakupasuka ndi ŵazamujamu; ŵazamulima minda ya mphereska ndi kumwa vinyo wawo, ŵakalimanga minda ndi kurgha vipasi vyawo.

Yoele 3:1

“Chifukwa wonani, mu mazuŵa gho, ndi nyengo yiya, penipo ndiwezgenge ŵaku Yuda ndi Yerusalemu,

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Yesaya 60:15

Chingana mungujoworeka ndi kutinkhika, po pengavi nanga njumoza wakuporotamo, ndikamuchitaninga kuŵa wa ufumu muyaya, likondwa laku mgonezi ndi mgonezi.

Zefaniya 2:7

ŴaYuda ŵakujako ŵaŵenge ndi charu cha mumphepete mu nyanja, kweniko ŵaliskenge vyakuŵeta vyawo, ndipo mu nyumba za Ashikeloni ŵagonenge ndi mazulo. Chifukwa Ambuya Chiuta wawo waŵakumbukenge, ndi kuwezga umampha wawo.

Ezekiele 39:28

Penipo ndipo ŵakaziŵanga kuti ine nde Ambuya Chiuta wawo chifukwa ndinguŵatuma ku uŵanda mukati mu mitundu ndipo ndaŵaunjika mu charu chawo. Kuti ndisiyengeko so yumoza waku iwo cha wakuti wajaliye vuli mukati mu mitundu;

Ezekiele 37:21

uŵanene kuti, Viyo atiti Ambuya Chiuta: Ehe, ndikawezganga, ŵaYisraele kutuwa mu mitundu yose mo ŵakuya, ndikaŵawunjikanga kutuwa uku ndi uku, ndikaŵaserezganga mu charu chawo;

Ezekiele 28:25

“Viyo atiti Ambuya Chiuta: Penipo ndikaunganiskanga nyumba yaku Yisraele kutuwa mukati mu ŵanthu mwaku ŵeniwo akuparghang'ikiyamo, ndikuvumbuwa utuŵa wangu mwaku iwo mu maso gha ŵa mitundu, po ndipo ŵakajanga mu charu chawo ndi chawo cho ndikupaska ku mteŵeti wangu Yakobe.

Yesaya 66:22

“Pakuti nge ndi machanya ghafya ndi charu chapasi chifya, vyenivyo ndikachitanga, vikajaliriyanga paurongo pangu, atiti Ambuya; viyo ndimu mphapu zinu ndi zina linu vikajaliriyanga.

Yesaya 61:9

Mphapu yawo yikaziŵikwanga mukati mu ŵamitundu, ndi ŵana ŵawo mukati mu ŵanthu ŵa mitundu yose; wose ŵakuwawona ŵakaŵaziŵanga, kuti iwo mbanthu wo Ambuya atumbika.

Sumu 35:6

Nthowa yawo yiŵe mdima ndi yakuteremuka, mungelo wa Ambuya waŵandondoloske!

Ezekiele 37:12

Chifukwa cho chima, ŵanene kuti, Viyo atiti Ambuya Chiuta: Ehe, ndikajuranga miunda yinu, ndi kumuyuskiyani kubwaro kwa miunda, mwa ŵanthu ŵangu imwe, ndikamuwezgiyaninga kwinu mu charu chaku Yisraele.

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Ezekiele 16:53

“Ndikaŵawezgiyanga maumampha ghawo, maumampha gha Sodomu ndi ŵana ŵake ŵanthukazi, ndi maumampha gha Samaria ndi ŵana ŵake ŵanthukazi, ndipo ndikawezganga maumampha ghaku iwe wamweni mukati mwawo,

Yesaya 62:7

ndipo mungamupaskanga kupumuwa cha mpaka penipo wazenga Yerusalemu ndi kumuchita rumbu mu charu chapasi.

Yesaya 56:8

Viyo atiti Ambuya Chiuta, mweniyo wawunjika ŵakutayika ŵaku Yisraele, ndikawunjikanga mbwenu ŵanyake kwaku iyo pade paku wo ŵakuwunjikika kale.”

Marangu 26:18

Ndipo Ambuya ataula msana wale gha paku imwe kuti ndimwe ŵanthu ŵapa mtima wawo, uli ndimo akupanganirana namwe, ndi kuti mukasunganga marangu ghawo ghose,

Marangu 26:19

kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Yeremiya 30:3

Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Ezekiele 39:13

Ŵanthu wose mu charu ŵakaŵaŵikanga, ndipo yikaŵanga mbiri ya chitumbiku chikuru kwakuruska kwaku iwo pa zuŵa lo nkharongori yanga unkhankhu wangu, atiti Ambuya Chiuta.

Zekariya 8:8

ndizenge nawo ndipo ŵajenge mukati mu Yerusalemu; ŵaŵenge ŵanthu ŵangu, Ine ndiŵenge Chiuta wawo, mu uneneska ndi mu urunji.”

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Zekariya 8:13

Ndipo kuŵenge kuti, nge ndimo munguwiya thembo mukati mu mitundu, iwe nyumba yaku Yuda ndi nyumba yaku Yisraele, viyo ndimo ndimtaskiyeninge ndipo muŵenge ŵakutumbikika. Mungopanga, kweni manja ghinu ghakhome.”