Zefaniya 3:19 - Tonga Bible 1986

¹⁹ Pa nyengo yo ndimarizgenge wose wo ŵatikusuzga. Nditaskenge ŵakuganthiya, ndi kuwunjika ŵakudikiskika, ndipo nding'anamuwenge soni zawo kuŵa marumbu ndi mbiri mu charu chose chapasi.

Zefaniya 3:19 Referans Kwoze

Yesaya 60:14

Ŵana ŵaku wo ŵangukuyuzgani wakazanga ndi kukotama pasi, kwaku imwe, wose wo ŵangukutonyorani, ŵakakotamanga pa marundi ghinu; ŵakakudananinga Muzi wa Ambuya, Zioni wa Mtuŵa Yumoza waku Yisraele.

Yeremiya 30:16

Chifukwa cho wose wo ŵatikuphwanya ŵakaphwanyikanga, ndipo ŵakupindikana ŵako wose, yumoza ndi yumoza ŵakarutanga mu uŵanda wo ŵatukuskoŵa ŵakaskoŵekanga, ndipo wose wo ŵatukurgha ndikaŵachitanga kuti nawo ŵarghike.

Zefaniya 3:15

Ambuya atuzgako vyeruzgu vyakumikana nawe; apong'a kubwalo ŵarwani wako. Karonga waku Yisraele, Ambuya, ŵe mukati mwako; kuti, uwopenge kaheni so cha.

Mika 7:10

Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.

Yesaya 61:7

Mu malo mwa soni zinu mukaŵanga navyo kwakusazgiyapo, mu malo ghakuyeyeka mukasekerenga mu phande linu; viyo mu charu chinu mukaŵanga ndi vya uzali wa kaŵi, chinu chikaŵanga chimwemwe cha muyaya.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

ŴaHebere 12:13

Ndipo zinyoroskeni nthowa ku marundi ghinu, alinga kuti chachiti chingagweduka cha, kweni ukongwa kuti chichizgike.

Yesaya 60:18

Chiwawa kuti chikavwikanga so chamu charu chinu, uyiku pamwenga phasulu mukati mu mphaka zinu; malinga ghinu mughadanenge Utaski, ndi malikomo ghinu Rumbu.

Ezekiele 39:26

Ŵaruwenge soni zawo, ndi utimbanizi wose wo ŵachitiya ine, penipo ŵaja kwakudekha mu charu chawo kwambura nanga njumoza wakuŵatenthemeska,

Chivumbuzi 20:9

Ndipo wangukwera mu usani wa charu, wanguzingirizga ugoŵi wa ŵakupaturika wo, ndi msumba wakwanjiwa wo: kweni moto ungusikakutuwa kuchanya, ndipo unguŵargha.

Yeremiya 46:28

Reka kopa, Yakobe we, wa muŵanda wangu, atiti Ambuya, pakuti nde nawe pamoza. Ndikachitanga umari wakufikapo wa mitundu yose yeniyo ndakudikiskiyako, kweni iwe kuti ndikuchitenge umari wakufikapo cha. Ndikakulanganga kwakurunjika, viyo kuti ndikalekangapo cha kukulanga.”

Yesaya 62:7

ndipo mungamupaskanga kupumuwa cha mpaka penipo wazenga Yerusalemu ndi kumuchita rumbu mu charu chapasi.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Yeremiya 31:8

Ehe ndikazanga nawo kutuwa ku charu cha ku nkhonde, ndi kuŵaunjika kutuwa kutali ku umari wa charu chapasi, mukati mwawo mwe wachiburumutiya, ndiwakupunduka, munthukazi wakuŵa ndi nthumbo ndi yo ŵemu urwirwi wakupapa, wose pamoza; mpingu ukuru, ŵakawerenga kuno.

Ezekiele 16:27

Awona, chifukwa cho, ndatambasuliya janga langu paku iwe, ndi kuchepeska phande la vyakurgha vyako, ndi kukupereka ku ususi wa ŵarwani ŵako, ŵana ŵanthukazi ŵa ŵaFilisti, wo ŵanguchita soni ndi umoyo wako wa ukazuzi.

Ezekiele 16:57

wenga undavumbulike uheni wako? Sono waŵa ulaka ndiyo, chinthu chakunyozeka ku ŵana ŵanthukazi ŵa Edomu ndi ku ŵakuzengezgana ŵawo wose, ndi ku ŵana ŵanthukazi ŵa ŵaFilisti, ŵakukuzingirizga ŵatikuyeya.

Ezekiele 39:13

Ŵanthu wose mu charu ŵakaŵaŵikanga, ndipo yikaŵanga mbiri ya chitumbiku chikuru kwakuruska kwaku iwo pa zuŵa lo nkharongori yanga unkhankhu wangu, atiti Ambuya Chiuta.

Zekariya 8:23

Viyo atiti Ambuya ŵa maŵanja: Mu mazuŵa gho, ŵanthu ŵakutuwa ku mitundu ya karongoroledu kose ŵakonge saru ya muYuda, ndi kuti, ‘Utizomerezge tirutenge, nawe, chifukwa tavwa kuti Chiuta we ndi iwe.’ ”

Marangu 26:19

kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

Yesaya 33:1

Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.

Yeremiya 30:19

Mwenimo mukatuwanga sumu zakuwonge, ndi mazu ghaku wo mbakusangaruka. Ndikaŵandaniskanga, kuti ŵakaŵanga ŵamana cha; ndikaŵachitanga kuŵa ŵakuzirwa, ndipo kuti ŵakayuyukanga cha.