Zefaniya 3:18 - Tonga Bible 1986

¹⁸ Wakondwenge ndi iwe ndi kumba, nge mpha zuŵa la dghera.” “Ndituzgengeko phasulu kwako, mwakuti ureke kupinga lilengu chifukwa chake.

Zefaniya 3:18 Referans Kwoze

Ezekiele 36:24

Chifukwa ndimutoninga kutuwa mu mitundu, ndi kumuwunjikani kutuwa mu vyaru vyose, kuza namwe mu charu chaku mwaŵeni.

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Zefaniya 3:20

Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.

Hoseya 9:5

Mukachitanga chine pa zuŵa lakusankhika lakukondwere ndi pa zuŵa la dghera la Ambuya?

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Ezekiele 34:13

Ndikazituzganga mu ŵanthu, ndikuziwunjika kutuwa mu vyaru, ndipo ndikaziwezgiyanga mu charu chawo; ndikaziliskanga pa mapiri ghaku Yisraele, mufupi ndi visima, ndipo ndi mu malo ghose ghakujamo ŵanthu mu charu.

Chitenje 1:7

Yerusalemu wakumbuka mu mazuŵa gha suzgu yake, ndi kuŵaŵa, vinthu vyose vyakuzirwa vyenivyo vyenga vyake kutuwa ku mazuŵa ghamwaka. Penipo ŵanthu ŵake ŵanguwa mu manja gha ŵarwani, ndipo pengavi nanga njumoza kumovya, ŵarwani ŵangukondwere pake, ŵanguseka pakubwanganduka kwake.

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Sumu 43:3

Tumani ukweru winu ndi uneneska winu; vindirongozge, vindifikiske ku phiri linu lakupaturika ndi kweniko muja imwe!

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.