Zefaniya 3:17 - Tonga Bible 1986

¹⁷ Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Zefaniya 3:17 Referans Kwoze

Sumu 149:4

Ambuya akondwere ndi ŵanthu ŵawo; atumbika ŵakujiyuyuwa ndi upundi.

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Marangu 30:9

Ambuya Chiuta winu wakamusakatiskaninga kwakuzara mu nchitu yose ya janja linu, mu chipasi cha liŵavu linu, ndi chipasi cha ng'ombe zinu, ndi mu chipasi cha minda yinu. Pakuti Ambuya akaŵikangapo so mtima pakumusakatiskani uli ndimo anguchitiya ndi auskemwe,

Zefaniya 3:15

Ambuya atuzgako vyeruzgu vyakumikana nawe; apong'a kubwalo ŵarwani wako. Karonga waku Yisraele, Ambuya, ŵe mukati mwako; kuti, uwopenge kaheni so cha.

Yohane 15:11

Vyenivi ndakukambiyani, alinga kuti chimwemwe changu chiŵe mwinu, ndi kuti chimwemwe chinu chifiskike.

Yesaya 65:19

Ndikakondwanga mu Yerusalemu ndikasekerenga mu ŵanthu ŵangu; chiwawa cha kuliya kuti chikavwikanga so cha mwaku iyo ndi kuliya kwa masuzgu.

Maŵerengedu 14:8

Asani Ambuya akondwa nafwe ŵakatitorenga ku charu cho ndi kwachitipaska, ncharu chakutaŵala mkaka ndi uchi,

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Luka 15:32

Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Chiyambo 18:14

Pa nyengo yo ndanena ndikawerenga kwako, mu nyengo ya liwondwe, ndipo Sara wakaŵanga ndi mwana munthurumi.”

Yesaya 18:4

Pakuti viyo ndimu angukambiya kwangu Ambuya: “Chisisi ndikapenjanga mwa kuja ine uli ndi kufunda kwa pakweru mu lumwi, ulaka ndi mtambo wa dungwi mu kufunda kwa vuna.”

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Chiyambo 1:31

Ndipo Chiuta wanguwona chose cho wanguchita, ndipo chenga chamampha ukongwa. Ndipo kwenga mazulo, ndi kwenga mlenji, zuŵa la chinkhonde ndi chimoza.

Yesaya 63:1

Njani uyu yo watuwa ku Edomo, mu vivwalo vyakuchesama vyakutuwa ku Bozra, ndi mweniyo ngwa unkhankhu mu kuvwara wakwenda mu ukuru wa nthazi zake? “Ndine, nditaula uneneska, ndawanthazi kutaska.”

Yesaya 63:12

mweniyo wangutambaruwa janja lake la unkhankhu kuruta ku janja la marghe laku Mosese, mweniyo wangugawuwa maji paurongo pawo kujichitiya mweneko zina la muyaya,

Chiyambo 2:2

Ndipo pa zuŵa la chinkhonde ndi chiŵi Chiuta wangumara nchitu yake yeniyo wanguchita, ndipo wangupumuwa pa zuŵa la chinkhonde ndi chiŵi ku nchitu yake yeniyo wanguchita.

Hoseya 14:4

Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Yoele 2:21

“Ungopanga wa charu, kondwa ndikusekere, chifukwa Ambuya achita vinthu vikuru!

Marangu 23:15

“Kuti mukamuperekanga ku mbuyake cha muŵanda mweniyo wathaŵa ku mbuyake yo waza kwinu,

Sumu 78:65

Kweni pavuli Ambuya anguyuka nge ngwakutuwa mu tulo; anguchita nge ndi munthu wanthazi yo waloŵe vinyo.