Zefaniya 3:1 - Tonga Bible 1986

¹ Soka ku mugaruki, wakukazuzgika, muzi wakusuzga!

Zefaniya 3:1 Referans Kwoze

Yeremiya 6:6

Pakuti Ambuya ŵa maŵanja ŵakati viyo: “Dumuliyani pasi miti yake; ungani mugandu kuzunguliya Yerusalemu. Uwu ndiwo msumba wo utenere kulangika mulivi kanthu kanyake kweni kunyekezgeka pe mukati mwake.

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

Yesaya 30:12

Chifukwa cho watiti Mtuŵa Yumoza yo waku Yisraele, “Chifukwa munyoza mazu gho, mugomekezga mu kuyuzga ndi kunangiya dala, ndipo muyegeme paku vyenivyo,

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Zekariya 7:10

mungasuzganga choko, chingana ngwambura wiske, mlendo pamwenga mukavu; kuwulevi yumoza waku imwe waghanaghaniye uheni munyake mu mtima winu.”

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

Mika 2:2

Ŵakhumbira minda, ŵayironda; ndi nyumba ŵazironda; ŵasuzga munthurumi ndi mbumba yake; munthurumi ndi chihara chake.

Yeremiya 22:17

Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

ŴaLevi 1:16

Ndipo iyo wakatuzgangapo chidukuluku ndi mavungwa, ndi kwachivitaya pafupi ndi jochero kuchiri ku vuma, pa malo gha choto.

Amosi 4:1

“Vwani mazu yagha, imwe mwa ng'ombe zinthukazi za Bashani, zo zemu phiri la Samaria, zo zikandirizga ŵakavu, ndi kupweteka ŵaranda, zo sititi ku ŵarumi ŵawo, ‘Zani nacho, timwe!’

Amosi 3:9

Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Ezekiele 23:30

ndivyo vyakutore iwe vinthu ivi, chifukwa unguchita ureŵi ndi mitundu, ndi kujikazuzga iwe wamweni ndi ŵangoza ŵawo.

Ezekiele 22:29

Ŵanthu ŵa charu ŵachita vya nkhaza ndi kuphanga; ŵakandirizga mukavu ndi wakusauka, ŵakwamphuwa vya mlendo kwambura kumuchitiya lisungu.

Yeremiya 5:23

Kweni ŵanthu yaŵa ŵendi mtima unonono ndi wakugaruka; ŵapatuka ndipo ŵaruta kunyake.

Yesaya 59:6

Mtatavu wawo kuti ukachitikanga saru cha; ŵanthu kuti ŵakajivwalikanga ndi vyo ŵapanga cha. Nchitu zawo ndi nchitu za utimbanizi, machitidu gha nkhaza ghe mu manja ghawo.

Yeremiya 6:7

Mo chisima chisungiya maji ghake umampha, nayo ndimu wasungiya umampha uheni wake; viwawa ndi phasulu vivwika mukati mwake, matenda ndi mabala nyengo zose vye paurongo pangu.