Zefaniya 2:3 - Tonga Bible 1986

³ Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Zefaniya 2:3 Referans Kwoze

Sumu 76:9

po Chiuta wangusoka kupereka cheruzgu, kutaska wose ŵakukandirizgika mu charu.

Sumu 22:26

Ŵakusuzgika ŵarghenge, ŵagu tenge; wo ŵatimupenja ŵarumbenge Ambuya! Mitima yinu yije ndi umoyo muyaya!

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Sumu 105:4

Penjani Ambuya ndi nthazi yawo, penjani chisku chawo nyengo yose!

Hoseya 10:12

Jipandiyeni urunji, vunani chipasi cha lisungu; swani mawongolomwa; chifukwa sono ndi nyengo yakupenje Ambuya, mwakuti ŵaze ndi kung'iska utaski paku imwe.

Yeremiya 39:18

Pakuti ndikakutaskanga, kuti ukabayikanga ndi lipanga cha; kweni ukaŵanga ndi umoyo wako nge ndi mphoto ya nkhondo, chifukwa wagomezga mwaku ine, atiti Ambuya.’ ”

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Sumu 57:1

Ndichitiyeni lisungu, A Chiuta, ndichitiyeni lisungu, pakuti mwaku imwe udingang'a mzimu wangu; mu chiduzi cha mapapiku ghinu ndimo ndidingang'enge, mpaka po vyajumpha vimphunga vya phasulu.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

Yeremiya 45:5

Ndipo kumbi utijipenje vinthu vikuru? Reka kuvipenja; pakuti, ehe, nditole chiheni pa vyamoyo vyose, atiti Ambuya: kweni ndikakupaskanga iwe umoyo wako nge ndi mphoto ya nkhondo mu malo ghose kweniko ungaya.”

Sumu 91:1

Yose wakuja mu chakubisamamo cha Wapachanya Limu, wakujaririya mumduzi wa Wanthazi Zose,

1 Petro 3:4

kweni munthu yo wakubisama mu mtima, watenere kadghoŵedu kambura kuwo, ka mzimu upovu ndi wachisisi, wo pa maso ghaku Chiuta ngwakuzirwa ukongwa.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

1 ŴaTesalonika 4:1

Viyo pakumariya, mwa ŵabali, tiŵeyere ndipo tichiskiya imwe mu Ambuya Yesu, kuti, uli ndimo munguvwiya kwaku ifwe mo mutenere kujariya ndi kukondweske Chiuta, uli ndimo so muchitiya, murutiriyenge kwakukiyakiya.

Mateyu 5:5

“Mbakutumbikika ŵakuzika: pakuti iwo ŵaharenge panupasi.

Sumu 31:20

Mwaŵabisa mu chakubisamamo cha uŵapo winu, ku viŵembu vyaŵanthu; mwaŵakoreze umamphavi kusi ku chivwinkhu chinu, ku kukweŵeskana kwa malilime.

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Hoseya 7:10

Kujikuzga kwaku Yisraele kuti musimikizga; ndipuuli kuti ŵawere kwa Ambuya Chiuta wawo cha, chingana nkhumupenja.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Sumu 149:4

Ambuya akondwere ndi ŵanthu ŵawo; atumbika ŵakujiyuyuwa ndi upundi.

Chituwa 12:27

Imwe mutinge, ‘Nchisopo cha kujumphapo ŵaka cha Ambuya pakuti angujumphapo ŵaka pa nyumba za ŵaYisraele mu Egipiti, pa nyengo yo angubayiya ŵaEgipiti kweni angupozomoska nyumba zidu.’ ” Ndipo ŵanthu ŵanguŵerama mitu yawo ndi ŵangusopa.

1 ŴaTesalonika 4:10

pakuti nadi mutiŵanja wose ŵabali ŵamu Makedonia. Kweni titikuchiskani, mwa ŵabali, rutiriyani, ukongwaku;

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

2 Samuele 12:22

Iyo wanguti, “Mwana weche wamoyo ndingufunga kurgha ndinguliya, chifukwa ndinguti, ‘Njani waziŵa panyake Ambuya andichitiyenge lisungu, kuti mwana waŵenge wamoyo?’

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

Yesaya 1:17

sambirani kuchita umampha, penjani cheruzgu chirunji, wovyani ŵakusuzgika; vikiriyani ŵana ŵaranda, chitiyani lisungu vyoko.

Ezekiele 13:5

Kuti mwakwera mwakupasuka cha, pamwenga kuzenge nyumba yaku Yisraele linga, alinga kuti yiziŵe kuma mu nkhondo, pa zuŵa la Ambuya.