Yuda 1:25 - Tonga Bible 1986

²⁵ kwaku Chiuta yijayija pe, Ntaski widu, kuŵiye mwaku Yesu Kristu Ambuyafwe, unkhankhu, mazaza, ukumu ndi mtufu, uli ndimo kwaŵiyanga yindaŵepo migonezi, kuliri sono, ndipo kukaŵiyanga muyaya. Ameni.

Yuda 1:25 Referans Kwoze

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

Yohane 5:44

Mungavwana uli imwe, mwaŵakuronderana unkhankhu, ndipo unkhankhu waku tuwa kwaku Chiuta yija kuti mutiwulemba cha?

ŴaRoma 11:36

Chifukwa kutuwa kwaku iyo, ndi pa chifukwa chaku iyo, ndi kurata kwaku iyo, vye vyose. Kwaku mweniyo kuŵiyenge unkhankhu ku muyaya. Ameni.

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Sumu 147:5

Mbakuru Ambuya, ndi anthazi zikuru; kuwamo kwawo nkhwambura wakonkhomeka.

Chivumbuzi 1:6

ndi wangutichita tiŵe ufumu, ŵazukuru kwaku Chiuta Awiske; kwaku iyo kuŵiye unkhankhu ndi ukumu ku muyaya ndi muyaya. Ameni.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

ŴaRoma 16:27

kwaku Chiuta wazeru yijajija pe, mwaku Yesu Kristu, kuŵiye unkhankhu muyaya. Ameni.

Mateyu 6:13

Ndipo mungatitole mu kesedu kweni titaskeni ku mheni yo.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

ŴaEfeso 3:21

kwaku iyo kuŵiye unkhankhu wo mu eklesiya ndi mwaku Kristu Yesu ku migonezi yose ya muyaya-muyaya. Ameni.

Yohane 4:22

Imwe musopa cho mulive kuziŵa: ifwe tisopa cho tiziŵa: pakuti utaski ngwakutuwa ku ŵaYuda.

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

2 Petro 1:1

Kalata wakutuwa kwaku Simoni Petro, muŵanda ndi wakutumika waku Yesu Kristu, kwaku ŵeniwo ŵaronde chivwanu chakuzirwa chakuyana ndi chidu mu urunji wa ku Chiuta widu ndi wa Mtaski Yesu Kristu:

1 Petro 4:11

Asani munthu wakamba, wakambe kwakuyana ndi makambidu ghaku Chiuta; asani yumoza wateŵete, wateŵetenge kwakulingana ndi nthazi zenizo Chiuta wampaska, alinga kuti mwaku vyose wakankhuskike Chiuta mwaku Yesu Kristu, kwaku mweniyo kwe unkhankhu ndi ukumu muyayamuyaya. Ameni.

Tito 3:4

kweni penipo ungubulika ulemu ndi wanja-ŵanthu wa Mtaski widu Chiuta,

Tito 2:10

kuŵa ŵakuŵiringuwa cha, ŵalitolitoli cha, kweni ŵakurongo ukongorekwa wose wamampha; alinga kuti ŵadyoŵeske chirunguchizgu chaku Chiuta Mtaski widu mu vinthu vyose.

1 Timote 2:3

Chenichi nchamampha ndi chamarondeka mu maso ghaku Chiuta Mtaski widu,

ŴaEfeso 3:10

mwakuti sono zeru ya mtundumtundu yaku Chiuta yiziŵikwiye mu eklesiya ku miwusu ndi mitufu yo ye mu malo ghakuchanya;

ŴaEfeso 1:8

wo wangwandaniskiya ifwe mu zeru yose ndi vinjeru,

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Sumu 78:20

Mbuneneska kuti wangupuma jarawi, ndipo maji ghangudika kwakusapatiya; kweni kumbi wangaziŵa kutipaska chiŵande, pamwenga kuŵapaska nyama ŵanthu ŵake?”

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Luka 1:47

ndi mzimu wangu wakondwere mwaku Chiuta mtaski wangu.