Yuda 1:24 - Tonga Bible 1986

²⁴ Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Yuda 1:24 Referans Kwoze

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

ŴaKolose 1:22

kweni sono wamsopaniskiyani mu liŵavu lake la unthu mu nyifwa, kwachimperekani ŵakhovu ndi ŵambura kalema ndi ŵambura masumulika pa maso pake,

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

2 ŴaKorinte 4:14

tiziŵa kuti mweniyo wanguyuska Ambuya Yesu, wamyuskaifwe so pamoza ndi Yesu, ndipo wakatitoriyanga ifwe pamoza namwe pamaso pake.

Chivumbuzi 14:5

Ndipo mu mlomo wawo mwengavi kusanirika utesi, pakuti mbazira kafukwa.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

1 Petro 4:13

kweni uli mphenipo musanganiya vyakukomwa vyaku Kristu kondwani; alinga kuti mu uvumbuzi wa unkhankhu wake, mumwemwetiyenge kwakukondwa.

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

Mateyu 5:12

Sangarukani ndi kondwani, pakuti mphotu yinu njikuru kuchanya; chifukwa wanguŵaŵemba viyo ŵamchimi ŵa paurongo pinu.

ŴaRoma 14:4

Ndiwe yani iwe uteruzga mteŵeti waŵeni? Ku mbuyake waku yija watuma pamwenga watuwa pasi. Ndipo wakamiskikanga pakuti Ambuya mbanthazi kumumiska.

Sumu 21:6

Inya, imwe mwamutumbika muyaya; mwamukondweska ndi chimwemwe pa maso pinu.

Yuda 1:21

mujisunge mu chanju chaku Chiuta, ndi kulereze lisungu la Ambuyafwe Yesu Kristu la ku umoyo wamuyaya.

ŴaKolose 3:4

Penipo Kristu, yo mbumoyo widu, wamuwoneka, penipo ndipo imwe namwe mwamuwoneka pamoza nayo mu unkhankhu.

ŴaKolose 1:28

Ndiyo titaula ifwe, taŵakuchenjezga munthu yose ndikusambizga munthu yose muzeru yose, alinga kuti tipereke munthu yose wakufiskika mwaku Kristu.

Luka 9:26

Chifukwa mweniyo yose wakanyariyenge ine ndi mazu ghangu, Mwana wa munthu wakanyariyenge iyo, penipo wakazanga mu unkhankhu wake, ndi wa Awiske, ndi ŵangelo ŵakhovu.

Mateyu 25:31

“Kweni penipo wakazanga Mwana wa munthu mu unkhankhu wake, ndi ŵangelo wose pamoza nayo, penipo wajariyenge pasi pa chitengo cha ukhankhu wake.

Mateyu 19:28

Yesu wanguŵanene, “Nadidi ndikuneniyani, kuti imwe mwaŵakundirondo, mu charu chifya cho penipo Mwana wa munthu wajenge pa chitengo cha unkhankhu wake, namwe so mwazamuja pa vitengo chumi ndi viŵi, ŵakweruzga mafuku chumi ndi ghaŵi ghaku Yisraele.

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

Yakobe 2:10

Chifukwa yose yo wakorezenge dangu lose, kweni waguŵenge mu limoza, waŵa wakalema mwaku ghose.

2 Petro 1:10

Viyo na, mwa ŵabali, ukongwako pamphukiyani kwachikhozga mdanu winu ndi kasankhikidu kinu: chifukwa pakuchita vyenivi, kuti muguŵenge kose cha:

ŴaLevi 14:11

Ndipo mzukuru yo watimutozga wakarongonga ku Ambuya munthu yo watenere kutozgeka pamoza ndi vinthu vyo, pakhomo la hema lakuwunganamo.