Yoswa 9:9 - Tonga Bible 1986

⁹ Iwo ŵanguti, “Taŵateŵeti ŵinu tatuliya ku charu chakutali ukongwa, chifukwa cha zina la Ambuya Chiuta winu; pakuti tavwa ndi mbiri yaku iyo, ndi vyose vyo wanguchita mu Egipiti,

Yoswa 9:9 Referans Kwoze

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.

Marangu 20:15

Viyo ndimo mukachitiyanga ku misumba yose yeniyo yekutali ukongwa ndi imwe, yeniyo kuti ndi misumba ya mitundu ye kunu cha.

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Sumu 148:13

Wose ŵarumbe zina la Ambuya, pakuti zina lawo pe ndilo le pachanya; unkhankhu wawo we pachanya pa charu chapasi ndi kuchanya!

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

Nehemiya 9:5

Sono ŵaLevi, Yeshua, Kadmieli, Bani, Hashubaniya, Kerebiya, Hodiya, Shebaniya, ndi Pehahiya, ŵanguti, “Imani ndi tumbikani Ambuya Chiuta winu kutuwa ku muyaya kuya ku muyaya. Ndakutumbikika zina linu la unkhankhu lenilo ndakukuzgika pachanya pa thumbiku lose ndi rumbu.”

1 ŴaKaronga 8:41

“Kwakuyana so ndi mlendo, yo kuti ngwa khamu la ŵanthu ŵinu ŵaYisraele cha, asani watuwa kucharu chakutali chifukwa cha zina linu,

Maŵerengedu 14:15

Ndipo asani mubayenge ŵanthu yaŵa wose teteti, sono mitundu yeniyo yavwa mbiri yinu yikakambanga kuti,

Chituwa 15:14

Makhamu gha ŵanthu ghavwa, ngakutenthema; urwirwi waŵako ŵakuja mu Filistia.

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

Machitidu gha Ŵakutumika 8:7

Pakuti mizimu yawiyu, yakukambura ndi liu likuru, yingutuwa mu ŵanandi ŵakuŵa nayo: ndipo ŵanandi ŵavinjenje ndi ŵakupunduka ŵanguchizgika.

Maŵerengedu 20:14

Sono Mosese wangutuma zinthumi kutuliya pa Kadeshe kuya ku Karonga waku Edomu, wanguti, “Mbali wako Yisraele watiti: Masuzgu ghose gho ghakutiwiya muziŵa;

Yoswa 9:10

ndi vyose vyo wanguchita ku ŵakaronga ŵaŵi ŵa Amori wo ŵenga kusirgha la Yordane, Sihoni karonga wa Heshiboni ndi Ogi karonga wa Bashani, yo wajanga mu Ashitarote.

Yoswa 9:16

Ŵanguti ŵachita nawo phanganu pavuli pa mazuŵa ghatatu, ŵanguvwa kuti ŵenga ŵakuzengezgana nawo, ndikuti ŵajanga mukati mwawo.

Yoswa 9:17

ŴaYisraele ŵanguruta ndipo ŵangufika ku misumba yawo pa zuŵa la chitatu. Misumba yawo yenga Gibeoni, Chefira, Beroti ndi Kiriata-jearimi.

Marangu 20:11

Ndipo asani kwamuka kwake kwaku imwe nkhwa chimangu ndipo utikujuliyani, sono ŵanthu wose ŵeniwo ŵasanirikengemo mwaku wo ŵakachitanga nchitu yakuchichizgika ndipo ŵakamteŵetiyaninga.

Sumu 78:12

Pa maso pa auskeu wanguchita vyakuziziswa, mu charu cha Egipiti, mu malisuwa gha Zoani.