Yoswa 9:8 - Tonga Bible 1986

⁸ Iwo ŵanguti, “Ifwe te ŵateŵeti ŵinu.” Ndipo Yoswa wanguŵafumba, “Ndimwe ŵayani? Ndipo mutuwa pani?”

Yoswa 9:8 Referans Kwoze

2 ŴaKaronga 10:5

Viyo yo wenga wa mazaza pa nyumba ya karonga ndi yo wenga wa mazaza pa msumba, pamoza ndi ŵaraŵara ndi ŵasungi ŵanthu, ŵangutuma mazu kwaku Yehu, ghakuti, “Te ŵateŵeti ŵako, tikachitanga cho chose ukatilanguliyanga kuchita. Kuti tikamikangapo nanga njumoza kuŵa karonga cha; uchite chose cho nchakukunozge mu maso ghako.”

Marangu 20:11

Ndipo asani kwamuka kwake kwaku imwe nkhwa chimangu ndipo utikujuliyani, sono ŵanthu wose ŵeniwo ŵasanirikengemo mwaku wo ŵakachitanga nchitu yakuchichizgika ndipo ŵakamteŵetiyaninga.

Yoswa 9:11

Ŵaraŵara ŵidu ndi wose ŵakuja mu charu chidu ŵangutinene kuti, ‘Toni vyakurgha vyapa ulendo, rutani mukakumane nawo, ndipo mukakambe kuti, “Ifwe te ŵateŵeti ŵinu, sono, chitani nafwe phanganu.” ’

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.

Yoswa 9:25

Ndipo sono, ehe, ifwe temu janja linu chitani cho chingaŵa chamampha ndi chakwenere mu maso ghinu paku ifwe.”

Yoswa 9:23

Mu chifukwa ichi mwe ŵakutembeka, ndipo ŵanyake ŵaku imwe nyengo zose ŵakaŵanga ŵaŵanda, ŵakudumuwa nkhuni ndi ŵakunegha maji ghamu nyumba yaku Chiuta wangu.”

Yoswa 10:6

Ndipo ŵanthu ŵaku Gibeoni ŵangutuma kwaku Yoswa pa ugoŵi mu Gilgala, kuti, “Ungareka cha kovya ŵateŵeti ŵako, zanga ruŵi utitaske, pakuti ŵakaronga wose ŵa Amori ŵakuja mu charu cha mapiri ŵawunganirana paku ifwe.”