Yoswa 9:14 - Tonga Bible 1986

¹⁴ Ndipo ŵaYisraele ŵangusanganapo pa vyakurgha vyawo, kweni ŵengavi kufumba urongozgi ku Ambuya.

Yoswa 9:14 Referans Kwoze

Maŵerengedu 27:21

Ndipo wakamanga panthazi paku Eleazara mzukuru, mweniyo wakamufumbiyanga ndi keruzgidu Urimi paurongo pa Ambuya; pa mazu ghake ŵakatuwanga, ndipo pa mazu ghake ŵakaserenga, wose iyo ndi ŵaYisraele pamoza ndi wumba wose.”

Ŵeruzgi 1:1

Pavuli pa nyifwa yaku Yoswa ŵanthu ŵangufumba ku Ambuya, “Ndiyani yo wakadanganga kutikwere ifwe kwachimikana ndi ŵaKanani kurwana nawo?”

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Ezra 8:21

Penipo ndingumemeza kufunga kurgha, kuwa ku msinji Ahava, kuti tijiyuyuwe paku Chiuta widu, kupenja nthowa yakurunjika kwaku Iyo paku ifwe ndi ŵana ŵidu, ndi vyuma vidu vyose.

2 Samuele 5:19

Ndipo Davidi wangufumba ku Ambuya, “Kumbi ndikwere kurwana ndi ŵaFilisti, kumbi muŵaperekenge mu janja langu?” Ndipo Ambuya angwamuka Davidi anguti, “Rutanga, chifukwa kwakuneneska ndiperekenge ŵaFilisti mu janja lako.”

Ŵeruzgi 20:28

Finehasi mwana waku Eleazara mwana waku Aroni wanguteŵete paurongo paku lo mu mazuŵa ghenigha) ŵanguti, “Kumbi tiwerezgengepo so kuruta ku nkhondo kumikana ndi ŵabali ŵidu ŵaBenjamini, pamwenga tireke?” Ndipo Ambuya anguti, “Kweriyaniko; pakuti la mawa ndikaŵaperekanga mu janja linu.”

2 Samuele 2:1

Pavuli paku ichi Davidi wangufumbiya ku Ambuya, “Kumbi ndingakweriyako kwe kose mu misumba yaku Yuda?” Ambuya angunena nayo, “Rutanga.” Davidi wanguti, “Ndikwere ku muzi nuwu?” Ambuya anguti, “Ku Hebroni.”

Ŵeruzgi 20:18

ŴaYisraele ŵangusoka ndi ŵanguruta ku Betele, ŵangufumbiriya kwaku Chiuta, “Ndiyani waku ifwe yo wadangenge kuruta ku nkhondo kwachirwana ndi ŵaBenjamini?” Ndipo Ambuya anguti, “Yuda ndiyo wadangenge kukweriyako.”

1 Samuele 22:10

ndipo wangumufumbiya ku Ambuya wangumpaska kamba ndi lipanga laku Goliati muFilisti.”

Chituwa 28:30

Ndipo mu chapachifuŵa cha cheruzgu mukaŵikangamo Urimi ndi Tumimi, ndipo vikaŵanga pa mtima waku Aroni wachisere paurongo pa Ambuya; viyo Aroni wakanyanuwanga cheruzgu cha ŵaYisraele pa mtima wake paurongo pa Ambuya kwakukiyakiya.

Yoswa 9:13

mathumba gha vikopa yagha ghenga ghafya tichighazaza ndi vinyo, ehe, sono ghaphumuka, vivwaro ndi viyato vidu ivi, alereni, vyaguga chifukwa cha utali wa ulendo.”