Yoswa 9:13 - Tonga Bible 1986

¹³ mathumba gha vikopa yagha ghenga ghafya tichighazaza ndi vinyo, ehe, sono ghaphumuka, vivwaro ndi viyato vidu ivi, alereni, vyaguga chifukwa cha utali wa ulendo.”

Yoswa 9:13 Referans Kwoze

Mateyu 9:17

Chingana nkhuti ŵapunguliya vinyo mufya mu vikuli vyakuguga cha, iku viphwatukenge vikuli vyo, vinyo wadikenge ndi vikuli vikanangikanga: kweni vinyo mufya ŵapunguliya mu vikuli vifya, ndipo visungika umampha vyose viŵi.”

Yoswa 9:4

iwo pa mtima wawo ŵanguchita mwawuchenjezi ŵanguruta ndi ŵangurongoso vyakurgha, ŵanguto mathumba ghakuparuka, kuŵika pa mbunda zawo, ndi mathumba gha vikopa gha vinyo, ghakuguga ndi ghakuparuka ŵangusonamosonamo,

Yoswa 9:12

Chiŵande chidu ndi ichi chenga chakufunda tichituwa nacho ku nyumba zidu nge ndi kamba wapa ulendo, kweni sono awonani, chamira ndipo chachita chuku;

Yoswa 9:14

Ndipo ŵaYisraele ŵangusanganapo pa vyakurgha vyawo, kweni ŵengavi kufumba urongozgi ku Ambuya.

Marangu 29:5

Ndakurongozgani virimika machumi ghanayi (40) mu bozwa, vivwalo vinu vilivi kuguga pa maliŵavu ghinu, ndipo viyatu vinu vilivi kupaluka ku marundi ghinu.

Yoswa 9:5

ndi viyato vya vigambavigamba ku marundi ghawo, ndi vivwaro vyawo vyakuguga; vyakurgha vyawo vingumira ndi kuchita chuku.

Marko 2:22

Ndipo palive yumoza wapunguliya vinyo mufya mu vikuli vyakale: iku vinyo yo waphwatuwenge vikuli viyo, vinyo wadikenge, ndi vikuli viphwatukenge! Kweni vinyo mufya ŵapunguliya mu vikuli vifya.”

Luka 5:37

Ndipo palive munthu wapunguliya vinyo mufya mu vikopa vyakuguga; iku vinyo mufya yo waphwatuwenge vikopa vyo, ndi iyo wadikenge, ndi vikopa vyo vinangikenge.