Yoswa 9:1 - Tonga Bible 1986

¹ Penipo ŵakaronga wose wo ŵenga kusirgha ku Yordane mu charu cha mapiri ndi cha chidika ndi mu likumba lose la Nyanja Yikuru kurazga ku Lebanoni, ŵaHiti, Amoni, ŵaKanani, ŵaPerse, ŵaHivi ndi ŵaYebusi, ŵanguti ŵavwa ichi,

Yoswa 9:1 Referans Kwoze

Maŵerengedu 34:6

“Kuchiri ku zambwe, mukaŵanga ndi Nyanja Yikuru ndi likumba lake; iyi ndiyu yikaŵanga mphaka yinu ku zambwe.

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Yoswa 3:10

Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

Chituwa 23:23

“Mungelo wangu wachenda paurongo pinu, ndi watumutoleni mu ŵaAmori, ndi ŵaHiti, ndi ŵaPerezi, ndi ŵaKanani, ndi ŵaHivi, ndi ŵaYebusi, ndi ine ndichiŵazimwamo,

Yoswa 24:11

Ndipo mungwambuka Yordane munguza ku Yeriko, ŵanthu ŵaku Yeriko ŵangurwana namwe, ndi Amori nawo, ŵaPereze, ŵaKanani, ŵaHiti, ŵaGirgashi, ŵaHivi ndi ŵaYebusi; wose yaŵa ndinguŵapereka mu janja linu.

Yoswa 23:4

Awonani, ndakugaŵiyani kuŵa chihara cha mafuku ghinu mitundu yo yichalipo, pamoza ndi mitundu yose yo ndikudumuwa kali, kutuwa ku Yordane mpaka ku Nyanja Yikuru ku zambwe.

Yoswa 22:7

Ndipo ku nusu wa fuku laku Manase wangupereka chihara mu Bashani, kweni ku nusu yinyake Yoswa wangupereka chihara pafupi ndi ŵabali ŵawo mu charu chenichiya ku zambwe kwa Yordane. Ndipo Yoswa wanguti wa ŵawezge ku mizi yawo ndi ku ŵatumbika,

Yoswa 22:4

Ndipo sono Ambuya Chiuta winu wapereka chipumulo ku ŵabali ŵinu, nge ndimo ŵangupanganirana nawo; viyo weni rutaninga ku mizi yinu mu charu mo mwe vihara vinu, vyenivyo Mosese mteŵeti wa Ambuya wangumpaskani kusirgha ku Yordane.

Yoswa 15:12

Ndipo mphaka yaku zambwe ndi Nyanja Yikuru ndi likumba lake. Iyi ndi mphaka ya kuzunguliya ŵaYuda kwakuyana ndi mbumba zawo.

Yoswa 13:5

ndi charu cha ŵaGebela, Lebanoni yose kurata kuwuturi wa lumwi, kutuwa ku Balgada kusika kwa phiri Hermoni mpaka kukuserere kwa Hamati

Yoswa 11:17

Kutuwa ku phiri la Halaka, lo litunthumukiya ku Seiri, mpaka ku Balgada mu dambo la Lebanoni musina mwa phiri la Hermoni. Ndipo ŵanguto ŵakaronga ŵawo wose, ŵanguŵapuma ndi kuŵabaya,

Yoswa 10:23

Ndipo ŵanguchita kwakukozgana, ŵangutuzga ŵakaronga wo ŵankhonde ndi ŵanguŵatore kwaku iyo, karonga waku Yerusalemu, karonga waku Hebroni, karonga waku Yerumutu, karonga waku Lakishi ndi karonga waku Egloni.

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 3:17

Ndipo penipo ŵaYisraele wose wambukanga pa mtunda uyumu, ŵazukuru wo ŵangupinga bokosi la phangano la Ambuya ŵanguma pa mtunda uyumu mukati mu Yordane mpaka mtundu wose ungumara kwambukiya ku sirgha kwa Yordane.

Yoswa 1:15

mpaka po Ambuya apaska chipumulu ku ŵabali ŵinu ndipo so ndi kwaku imwe, ndipo nawo so ŵaŵa nacho charu cho Ambuya Chiuta winu waŵapaska; pavuli paku cho mukawerenga ku charu cho nchinu, ndipo mwa muja mwaku cho, charu cho Mosese Mteŵeti wa Ambuya wakukupaskani kusirgha ku Yordane kumatuli gha dazi.”

Yoswa 1:4

Kwamba ku bozwa ndi Lebanoni uyu kwachifika ku msinji ukuru, msinji wa Efrate, charu chose cha ŵaHiti kufika ku Nyanja Yikuru kumasereru gha dazi yikaŵanga mphaka yinu.

Marangu 7:1

“Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Marangu 4:49

pamoza ndi Araba yose ku Yordane ku vuma, kwachifika ndi ku nyanja ya Araba musina mu Pisiga.

Marangu 3:25

Ndimurombani imwe mundizomerezge ndimbuke, nkhawone charu chamampha cho che kusirgha la Yordane, vifya viya vyamampha, ndi Lebanoni.’

Chituwa 34:11

“Phwereni cho nditukulanguliyani msana wale. Ehe, ndikaŵadikiska, ngamo paurongo pinu ŵaKanani, ŵaHiti, ŵaPerizi, ŵaHivi ndi ŵaYebusi.

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Maŵerengedu 13:29

Ŵina Amaleke ŵaja mu charu chaku mwela; ŵaHiti, ŵaYebusi ndi ŵaAmoni ŵaja mu charu cha mapiri; ŵaKanani ŵaja ku nyanja, ndi mumphepete mwa Yordane.”

Yoswa 6:27

Viyo Ambuya ŵenga ndi Yoswa; ndipo mbiri yake yinguŵa mu charu chose.

Yoswa 9:7

Kweni ŵaYisraele ŵanguti ku ŵaHivi, “Vinu kokuli imwe muja mukati mwidu, ipo tingachita namwi uli phanganu?”

Marangu 1:7

Sokani, yendani ulendo winu ku mapiri gha ŵaAmori ndi ku malo ghose gha pafupi pake, mu chidika, mu chinkhwawu, ndi ku Negebu, mu mphepete mwa nyanja ku charu cha ŵaKanani, ku Lebanoni ndi ku msinji ukuru Efrate.

2 Samuele 24:7

ŵanguza ku linga la Turo ndi mizi yose ya ŵaHivi ndi ŵaKanani; ŵangurutiliya ku Negebu waku Yuda pa Beresheba.