Yoswa 8:8 - Tonga Bible 1986

⁸ Ndipo mutakuti mwapoka muzi, mukawuwochanga ndi moto; kuchita ulaka ndimo Ambuya akambiya; awonani; ndakulanguliyani.”

Yoswa 8:8 Referans Kwoze

2 Samuele 13:28

Penipo Absalomu wangulanguliya ŵanyamata ŵake, wanguti, “Muje maso po mwamuwone kuti mtima waku Amunone wakondwa ndi vinyo, ndi chikamba namwe kuti, ‘Kosoni Amunone,’ imwe mukamubaye. Kopa cha; ndamulanguliyani, khwimani muŵe vinkhara.”

Yoswa 1:16

Ndipo ŵangwamuka Yoswa, ŵanguti, “Tikachitanga chose cho watilanguliya, ndipo tikarutanga kose ko ukatitumanga.

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”

Ŵeruzgi 4:6

Wangutuma kwachidana Baraki mwana waku Abinamu waku Kedeshi mu Naftali, wanguti kwaku iyo, Ambuya Chiuta waku Yisraele, watikulanguliya, “Ruta, kawunjike ŵanthu ŵako pa phiri Taboro, uruti ndi ŵanthu vikwi chumi (10,000) kutuwa ku fuku laku Naftali ndi fuku laku Zebuluni.

Yoswa 8:28

Viyo Yoswa wangocha Ai, ndipo wanguwusanduska kuŵa ndundu ya mapopa muyaya, nge ndimo uliri mpaka ku zuŵa lino.

Yoswa 6:24

Ŵangocha msumba wo ndi moto, ndi vyose vyakuŵa mukati mwake; siliva pe ndi golide ndi viyaŵi vya mkuŵa ndi chisulo, ŵanguviŵika kuŵa chuma cha nyumba ya Ambuya,

Marangu 20:16

Kweni mu misumba ya ŵanthu yaŵa yeniyo Ambuya Chiuta watumupaskani kuŵa chihara. Mungapozomoskanga cha chamoyo che chose chenicho nchakututa,

Yoswa 8:2

mo unguchitiya ndi Yeriko ndi karonga wake ndimo ukachitiyanga ndi Ai ndi karonga wake; kweni vyuma vyake ndi ng'ombe zake mwamuto nge ndi muskowo winu; mubisame kuvuli kwa msumba wo.”

Yoswa 8:7

sono imwe mwamusoka mo mwamubisama, kwachithereska msumba wo; pakuti Ambuya Chiuta winu wakawuperekanga mu janja linu.

Yoswa 8:9

Viyo Yoswa wanguŵatuma; ndipo ŵanguruta mu malo ghakubisamamo, ŵanguja pakati pa Betele ndi Ai, kuzambwe kwa Ai; kweni usiku uwa wose Yoswa wenga mukati mu ŵanthu.

Yoswa 8:22

Ndipo ŵanyake ŵangutuwa mu msumba kurwana ndi iwo; viyo ŵenga mukati mu ŵaYisraele, ŵaYisraele ŵanyake kuchiri kunu, ŵanyake kuchiri kuwa; ŵanguŵabaya, mpaka penipo ŵengavi kujapo nanga njumoza wamoyo pamwenga wakuthaŵa.

Yoswa 8:13

Viyo ndimo ghangujariya maŵanja gha nkhondo, ugoŵi weneko wapakatikati ngweniwo wenga ku nkhonde kwa msumba wo, ndipo ŵakulonda kuvuli ŵenga kuzambwe kwa msumba. Kweni Yoswa usiku wose uwa wenga mu dambo.