Yoswa 8:33 - Tonga Bible 1986

³³ Ndipo ŵaYisraele wose mlendo ndi mwenimuzi, pamoza ndi ŵaraŵara ndi zinduna ndi ŵeruzgi ŵawo ŵanguma kwakutghana ndi bokosi la phanganu la Ambuya paurongo pa ŵazukuru ŵaLevi wo ŵangupinga bokosi la phanganu la Ambuya, ŵa chigaŵa chimoza ŵenga paurongo pa phiri la Gerizimu, ŵa chigaŵa chinyake ŵenga paurongo pa phiri la Ebala, mo wangunene Mosese mteŵeti wa Ambuya pakudanga kuti ŵatumbike ŵaYisraele.

Yoswa 8:33 Referans Kwoze

Marangu 11:29

Ndipo Ambuya Chiuta winu wamutoriyani ku charu chenicho mwamuseremo kwachironda, mukaŵike thumbiko pa phiri la Gerizimu, ndi thembo pa phiri la Ebala.

Marangu 31:12

Muŵawungangenge pamoza ŵanthu, ŵanthurumi, ŵanthukazi, ndi ŵanamana, ndi mlendo wamu mizi yinu, alinga kuti ŵavwenge ndi kusambira kopa Ambuya Chiuta winu. Ŵaphwere kusunga mazu ghose gha dangu ili,

Marangu 31:9

Ndipo Mosese wangulemba dangu ili ndi wangulipaska ku ŵazukuru, ŵana ŵa ŵaLevi, wo ŵanyamuwanga bokosi la chipanganu cha Ambuya, ndi ku ŵara wose ŵaku Yisraele.

Yoswa 24:1

Ndipo Yoswa wanguwunjika mafuku ghose ghaku Yisraele ku Shekemu, wangudana ŵaraŵara, ŵarongozgi, ŵeruzgi ndi zinduna; ndipo ŵanguza paurongo paku Chiuta.

Yoswa 4:18

Ŵazukuru ŵakunyamuwa bokosi la phanganu la Ambuya ŵanguti ŵatuwa mukati mu Yordane, ghanguti ghakanda pa mtunda uyumu marundi ghawo, maji gha Yordane ghanguwere mu malo ghake ndi ghangusapatiya ku sirgha ndi sirgha nge mphakudanga.

Yoswa 3:3

ndipo ŵanguŵanene ŵanthu kuti, “Asani miwona bokosi la phanganu la Ambuya winu linyamulika ndi ŵazukuru ŵaLevi penipo ndipo mukasokanga mu malo ghinu kulirondo,

Marangu 31:25

wangulanguliya ŵaLevi wo ŵanyamuwanga bokosi la phanganu la Ambuya, kuti,

Maŵerengedu 15:29

Dangu ndimoza pe paku yo wananga kwambura kuziŵa pa mweni charu ndi pa mlendo wakuja mukati mwawo.

Maŵerengedu 15:16

Imwe ndi mlendo wakuja namwe mukavwanga dangu ndi langulu limoza kwambura kulekana.”

Chituwa 12:49

Kukaŵanga dangu limoza pa mweni charu ndi pa mlendo wakuyinga mukati mwinu.”

Yoswa 23:2

wangudana ŵaYisraele, wose ŵaraŵara ŵawo ndi ŵarongozgi, ŵeruzgi ŵawo ndi zinduna, Yoswa wanguti kwaku wo, “Ine sono ndakota nde wa virimika vinandi;

Yoswa 6:6

Viyo Yoswa mwana waku Nuni wanguŵadana ŵazukuru wangunena nawo, “Nyamuwani bokosi la phanganu, ndipo ŵazukuru ŵankhonde ndi ŵaŵi ŵapinge mbata zinkhonde ndi ziŵi za masengwe gha ŵabira pa nthazi pa bokosi la Ambuya.”

Yoswa 4:10

Pakuti ŵazukuru wo ŵangunyamuwa bokosi ŵanguma mukati mu Yordane, mpaka penipo vyose vyo Ambuya angulanguliya Yoswa kunene ŵanthu vingufiskika, kwakuyana ndimo Mosese wangulanguliya Yoswa. Ŵanthu ŵangwambuka kwakuthaŵiriya;

Yoswa 3:14

Viyo po ŵanthu ŵanguti ŵasoka mu mahema ghawo kwachambuka Yordane pamoza ndi ŵazukuru ŵakupinga bokosi la phanganu paurongo pawo,

ŴaLevi 24:22

Dangu linu likaŵanga limoza pe pa mlendo ndi mwenicharu; pakuti Ndine Ambuya Chiuta winu.”

Yoswa 3:6

Yoswa wanguti ku ŵazukuru, “Nyamuwani bokosi la phanganu ndipo jumphani paurongo pa ŵanthu.” Ŵangunyamuwa bokosi la phanganu lo.

Yohane 4:20

Auskefwe ŵangusopa mu phiri ili; kweni mutiti mu Yerusalemu mwe malo mwenimo kutenere kusopa.”

Maŵerengedu 15:15

Imwe ndi mlendo wakuja namwe mose mukavwanga dangu limoza, kuti muŵenge ŵa wumba, dangu la muyaya mu migonezi yino, mo mulili imwe ndimu wakaŵiyanga mlendo nayo paurongo pa Ambuya.