Yoswa 8:28 - Tonga Bible 1986

²⁸ Viyo Yoswa wangocha Ai, ndipo wanguwusanduska kuŵa ndundu ya mapopa muyaya, nge ndimo uliri mpaka ku zuŵa lino.

Yoswa 8:28 Referans Kwoze

Marangu 13:16

Mukawunjikanga vyakuskoŵa vyawo vyose pakatikati pa bwalo lawo, ndipo muwoche msumba ndi vyakuskoŵa vyake vyose ndi moto, nge ndi sembe yose yakocha ku Ambuya Chiuta winu. Msumba wo uŵenge ndundu muyaya, ndipo kuti ukazengekanga so cha.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Yeremiya 50:26

Zaninga kumikana nayo kutuwa kosekose; jurani nkhokwe zake; muwunjikeni nge ndi ndundu za mbuto, ndipo mumuphwanye tetete; mungasiyapo nanga nkhamoza kaku iyo.

Yeremiya 49:2

Chifukwa cho, ehe, mazuŵa ghakazanga, atiti Ambuya, ndikachiskanga mumemezu wankhondo kuti uvwike kwachirwana ndi Raba wa Amoni; ukaŵanga chimbumira cha mapopa, ndipo mizi yake yikawochekanga ndi moto; sono Yisraele wakapokanga wo ŵangupoka iyo, atiti Ambuya.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yesaya 25:2

Pakuti muzi mwauchita chiza, msumba wa malinga waŵa phasulu; nyumba ya ufumu ya ŵalendo sono ndi muzi so cha, kuti ukazengekanga so cha.

Yesaya 17:1

Vyakukambika vya paku Damasko. Ehe, Damasko wakamaranga kuŵa msumba, wakaŵanga mulu wa vyakwanangika.

2 ŴaKaronga 19:25

“Kumbi wenga undavwe kuti ndikuchichita kale ukongwa? Ndikulongoso mu mazuŵa gha mwaka chenicho sono ndifiska kuŵako kuti muyisanduskenge misumba ya malinga kuŵa viza vya phasulu,

Yoswa 4:9

Ndipo Yoswa wangumika mya chumi ndi yiŵi mukati mu Yordane penipo marundi gha ŵazukuru ŵakunyamuwa bokosi la phanganu ghanguma; yepenipo mpaka ku zuŵa lino.

Yoswa 8:29

Ndipo wangupayika karonga wa Ai pa muti mpaka mazulo; pa kusere kwa dazi, Yoswa wangulangula kutuzgapo chiŵanda pa muti ndi kuchitaya pa kuserere pa likomo la msumba, wanguwunjikapo ndundu ya mya, yo yichalipo mpaka kunu ku sono.

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,