Yoswa 8:20 - Tonga Bible 1986

²⁰ Viyo penipo ŵanthurumi ŵaku Ai ŵangulereska kuvuli, alereni, usi wamu msumba ungukwere kuchanya; ndipo ŵengavi nthazi zakuthaŵiya uku pamwenga kuwa, pakuti ŵaYisraele ŵeniwo ŵanguthaŵiya ku bozwa ŵangung'anamukiya kuvuli pakuŵandondoloska.

Yoswa 8:20 Referans Kwoze

Chivumbuzi 19:3

Ndipo kachiŵi ŵanguti, “Aleluya! Usi wake ukwera muyaya ndimuyaya!”

Chivumbuzi 18:9

Ndipo ŵaliyenge ndi kutenje paku iyo ŵakaronga ŵa panupasi wo ŵare ŵananga ndi ŵafwenkhiyanga paku iyo, ŵachilereska usi wakufya kwake,

Yesaya 34:10

Usiku ndi msana kuti ukazimwanga cha; usi wake ukakweranga muyaya. Kutuwa ku mugonezi kuya ku mugonezi unyake chikaŵanga mapopa; palivi yo wakaporotangamo muyaya ndi muyaya.

Sumu 76:5

Ŵankhondo ŵawo ŵakukhwima mtima ŵakuskoweka, ndipo sono ŵagona, ŵagona tulo twa nyifwa; palivi nanga njumoza wakusiyika wakuti wako vyakurwiya vyawo.

Jobu 11:20

Kweni maso gha ŵaheni ghakatondekanga nthowa zose zakuphokwe zikasoŵanga kwaku iwo, ndipo chigomezgu chawo nchakuti ŵatute kwakumariya.”

Chiyambo 19:28

Ndipo wangulereska pasi kuratana ndi Sodomu ndi Gomora ndi kuratana ndi charu chose cha dambo lo, ndipo awonani, ehe, usi ku charu cho ungukwere kuchanya ulaka ndi usi wa ng'anjo.

Yoswa 8:19

Ŵakubisama ŵangusoka ruŵiruŵi kutuwa mu malo ghawo, ndipo po iyo wangutaka nyoroske janja lake, iwo ŵanguchimbiya ndi kusere mu msumba wo ndipo ŵanguwuthereska; ndipo ŵangupusumpha kuwuwocha ndi moto.

Yoswa 8:21

Ndipo Yoswa ndi ŵaYisraele wose ŵanguti ŵawona kuti ŵakubisama ŵa, ŵato muzi, ndikuti usi wa msumba wo ukwere kuchanya; ŵangung'anamukiya kuvuli ndi kubaya ŵanthurumi ŵaku Ai.

Ŵeruzgi 20:38

Sono chisimikizgu chakurongosoleka pakati pa ŵaYisraele ndi ŵanthu ŵa ŵangubisama chenga chakuti asani ŵachitiska mtambo ukuru wa usi wakukwere ku chanya kutuwa mu msumba,

Ŵeruzgi 20:40

Kweni penipo chisimikizgu cha mtambo wa usi chingwamba kukwera, kutuliya mu msumba, ŵaBenjamini ŵangulereska kuvuli kwawo; ndipo ehe; msumba wose ungukwezga usi kuchanya.

Ŵeruzgi 20:41

Sono ŵaYisraele ŵangung'anamuka, ndipo ŵanthu ŵaku Benjamini ŵangudika nthazi, pakuti ŵanguwona kuti uyowi we pafupi ndi iwo,