Yoswa 8:19 - Tonga Bible 1986

¹⁹ Ŵakubisama ŵangusoka ruŵiruŵi kutuwa mu malo ghawo, ndipo po iyo wangutaka nyoroske janja lake, iwo ŵanguchimbiya ndi kusere mu msumba wo ndipo ŵanguwuthereska; ndipo ŵangupusumpha kuwuwocha ndi moto.

Yoswa 8:19 Referans Kwoze

Yoswa 8:18

Penipo Ambuya angunena ndi Yoswa, “Tambaruliya mkondo wo wemu janja lako kurongo ku Ai; pakuti ndikawupaskanga mu janja lako.” Yoswa wangutambaruwa mkondo wo kurongo ku msumba.

Yoswa 8:20

Viyo penipo ŵanthurumi ŵaku Ai ŵangulereska kuvuli, alereni, usi wamu msumba ungukwere kuchanya; ndipo ŵengavi nthazi zakuthaŵiya uku pamwenga kuwa, pakuti ŵaYisraele ŵeniwo ŵanguthaŵiya ku bozwa ŵangung'anamukiya kuvuli pakuŵandondoloska.

Ŵeruzgi 20:33

Ndipo ŵaYisraele ŵangusoka kutuwa mu malo ghawo, ŵangujindandika pa Bala-tamara; ndipo ŵaYisraele wo ŵangubisama ŵangusotopoka ruŵiruŵi mu malo ghawo ku zambwe kwa Geba.

Ŵeruzgi 20:37

Ndipo wo ŵangubisama ŵangutinthimika ndi ŵanguchimbiriya pa Gibea; wakukoso msumba wose ndi wuyi wa lipanga.

Yoswa 8:2

mo unguchitiya ndi Yeriko ndi karonga wake ndimo ukachitiyanga ndi Ai ndi karonga wake; kweni vyuma vyake ndi ng'ombe zake mwamuto nge ndi muskowo winu; mubisame kuvuli kwa msumba wo.”