Yoswa 8:18 - Tonga Bible 1986

¹⁸ Penipo Ambuya angunena ndi Yoswa, “Tambaruliya mkondo wo wemu janja lako kurongo ku Ai; pakuti ndikawupaskanga mu janja lako.” Yoswa wangutambaruwa mkondo wo kurongo ku msumba.

Yoswa 8:18 Referans Kwoze

Yoswa 8:26

Yoswa kuti wanguliwezga ruŵi cha janja lake, lo wangutambasuliya mkondo, mpaka po wangumariya limu kubaya wose ŵamu Ai.

Jobu 15:25

Chifukwa watambaruliya janja lake kumikana ndi Chiuta. Ndipo wajikhozga kumikana ndi Wanthazizose.

Jobu 39:23

Chipundulu cha lipanga chigwedukiya paku iyo mkondo wakuthwa ndi nguru navyo viyo.

1 Samuele 17:45

Kweni Davidi wangunena ndi iyo, “Iwe utuza kwangu ndi lipanga ndi mkondo ndi nthonga; ehe, ine ndituza kwako muzina la Ambuya wa maŵanja, Chiuta wa zinkhondo zaku Yisraele mweniyo iwe unyoza.

1 Samuele 17:41

Ndipo muFilisti yo wangundere kufupi kwaku Davidi, wakupinga nguru yake wenga panthazi pake.

1 Samuele 17:6

Wanguvwara viphwatiku vya mkuŵa mu marundi, ndi chivekeru cha mkuŵa pakati pa maphewa ghake.

Yoswa 8:7

sono imwe mwamusoka mo mwamubisama, kwachithereska msumba wo; pakuti Ambuya Chiuta winu wakawuperekanga mu janja linu.

Chituwa 14:16

Soska ndodo yako ndi utambaruliye janja lako kurazga ku nyanja ndi uyigaŵe pakati alinga kuti ŵaYisraele ŵarutenge pa mtunda uyumu kuporota mu nyanja.

Chituwa 8:5

Ndipo Ambuya anguti kwaku Mosese, “Unene Aroni kuti, ‘Tambaruwa janja lako ndi ndodo yako kurazga ku misinji, ku ngalandi, ndi ku viziŵa, ndi uchitiske ŵamchuwa kuza pa charu chose cha Egipiti!’ ”

Yoswa 8:17

Mwengavi kujamo munthu nanga njumoza mu Ai pamwenga mu Betele, wambura kutuwa kundondoloska ŵaYisraele; msumba ŵanguwusiya wa mwazi.

Yoswa 8:19

Ŵakubisama ŵangusoka ruŵiruŵi kutuwa mu malo ghawo, ndipo po iyo wangutaka nyoroske janja lake, iwo ŵanguchimbiya ndi kusere mu msumba wo ndipo ŵanguwuthereska; ndipo ŵangupusumpha kuwuwocha ndi moto.

Ezekiele 30:25

Ndikakhozganga manja gha karonga waku Babiloni, kweni manja ghaku Farao ghakawanga; ndipo ŵakaziŵanga kuti ndine Ambuya. Penipo ndikaperekanga lipanga langu mu janja la karonga waku Babiloni, wakalinyoroskiyanga pa charu cha Egipiti;

Chituwa 8:1

Sono Ambuya anguti kwaku Mosese, “Kasere kwaku Farao ndipo ukati kwaku iyo, ‘Viyo Ambuya atiti, “Ŵazomerezge ŵanthu ŵangu ŵarutenge kuti ŵakanditataliye.