Yoswa 8:17 - Tonga Bible 1986

¹⁷ Mwengavi kujamo munthu nanga njumoza mu Ai pamwenga mu Betele, wambura kutuwa kundondoloska ŵaYisraele; msumba ŵanguwusiya wa mwazi.

Yoswa 8:17 Referans Kwoze

Jobu 5:13

Wako ŵavinjeru mu urghargha wawo, ndi fundu za ŵachenjezi watizimara ruŵiruŵi.

Yoswa 11:20

Pakuti yenga nchitu ya Ambuya kunonopeska mitima yawo kuti ŵazichirwanga ndi ŵaYisraele mu nkhondo, mwakuti ŵaparghanikiye limu tetete, kuti ŵaronde lisungu cha kweni kuti ŵadumulikiye limu, nge ndimo Ambuya angulanguliya Mosese.

Yoswa 8:3

Viyo Yoswa wangusoka, ndi nkhondo yake yose, kukwere ku Ai; ndipo Yoswa wangusankha ŵanthurumi vikwi machumi ghatatu (30,000) ngwazi zanthazi, wanguŵatuma kuwa ndi usiku.

Marangu 2:30

Kweni Sihoni fumu yaku Heshiboni yinguzomera cha kuti tikiye kwake, pakuti Ambuya Chiuta widu wangunonopeska mtima wake mwakuti wamupereke mu janja linu, nge ndimo kulili zuŵa lino.

Yoswa 8:16

Mwakuti ŵanthu wose wo ŵenga mu msumba ŵangudanikiya pamoza kuti ŵaŵandondoloske, ndipo pakundondoloska Yoswa wanguruta kutali ndi msumba.

Yoswa 8:18

Penipo Ambuya angunena ndi Yoswa, “Tambaruliya mkondo wo wemu janja lako kurongo ku Ai; pakuti ndikawupaskanga mu janja lako.” Yoswa wangutambaruwa mkondo wo kurongo ku msumba.

Ŵeruzgi 20:31

Ndipo ŵaBenjamini ŵangurwana ndi ŵanthu wo, ndipo ŵangunderezgekako ku msumba; ndipo nge mpha nyengo zinyake ŵangwamba kukoso ndi kubaya ŵanyake ŵa ŵaYisraele wo, mu miseu yikuru, unyake wo ukwere ku Betele ndi unyake wo urata ku Gibea, ndi mu malo ghose, akhumba ŵanthu machumi ghatatu ŵaku Yisraele wangubayika.