Yoswa 7:4 - Tonga Bible 1986

⁴ Viyo akhumba vikwi vitatu ŵangukweriyako; ndipo ŵanguthaŵa paurongo pa ŵanthu ŵaku Ai.

Yoswa 7:4 Referans Kwoze

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Yesaya 59:2

kweni mauheni ghinu ndigho ghaŵikapo chipatuwa pakati pinu ndi Chiuta winu, ndipo uheni winu wabisa chisku chake kwaku imwe rekani wareka kuvwa.

Yesaya 30:17

Chikwi cha ŵanthu chikathaŵanga pa kofya kwa yumoza, pa ŵakofya ŵankhonde mukathaŵanga, mpaka po mwambininika uli ndi mulongoti wa mbendera pachanya pa phiri, uli ndi mbendera pa kamtunthu.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Yoswa 7:3

Ŵanguti ŵawe, ŵangunena ndi Yoswa, “Ŵangakweriyangako ŵanthu wose cha. Kweni akhumba ŵanthurumi vikwi viŵi pamwenga vitatu ŵamupasuwa Ai; rekani kusuzga ŵanthu wose kukweriyako, pakuti ŵaku Ai mbamanavi.”

Sumu 89:43

Vidya vyake mwavisanduska vyawakawaka, ndipo mwamuthereska mu nkhondo.