Yoswa 7:25 - Tonga Bible 1986

²⁵ Yoswa wanguti, “Chifukwa nchine ungutitore suzgu ifwe? Ambuya atore suzgu paku iwe zuŵa lino.” Ndipo ŵaYisraele wose ŵanguŵadina ndi mya ndi kuŵawocha ndi moto,

Yoswa 7:25 Referans Kwoze

Yoswa 6:18

Kweni imwe, mujipatuweko ku vinthu vyo vyapaskika ku wanangiku, vinu kokuli mutakuti mwavipaska mungatopo cha chechose cha vinthu vyo vya paskika, kuti muchitiske ugoŵi wa ŵaYisraele chinthu chakubwangandulika, ndi kutole suzgu paku wo.

1 Mikoka 2:7

Ŵana ŵaku Karmi: Akara wakusuzga wa ŵaYisraele, yo wangunanga mrandu wa chinthu chakupaturika;

Marangu 17:5

viyo mukatuzgiyanga kubwalo kwa malikomo ghinu munthurumi yo, pamwenga munthukazi yo wachita chinthu chiheni cha viyo. Ndipo mukamupong'anga ndi mya munthurumi yo pamwenga munthukazi yo ndi kumubaya.

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

ŴaLevi 20:2

“Nena ku ŵaYisraele, munthu we yose mwina Yisraele pamwenga mlendo wakutandara mu Yisraele; yo wakaperekanga mwana wake kwaku Moleke wakabayikanga: ŵanthu ŵamu charu ŵakamudinanga ndi mya.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

2 ŴaTesalonika 1:6

nadi nkhwakurunjika paurongo paku Chiuta kuwerezgeyapo suzgu kwaku ŵeniwo ŵatikusuzgani,

ŴaGalatia 5:12

Mphanyi kuti wo ŵati kutimbanizgani ŵangajitemuwako ndipo.

Yoswa 7:15

Ndipo yo wakakorekanga ndi vinthu vyakukanizgika wakawochekanga ndi moto, iyo mweneko pamoza ndi vyose vyo wenavyo, chifukwa waswa phanganu la Ambuya, ndi chifukwa chakuti wachita chinthu chachilengesku mu Yisraele.’ ”

Marangu 21:21

Sono ŵanthurumi wose ŵa msumba uwa ŵamudinenge ndi mya mpaka kufwa, viyo mupeyengemo uheni mukati mwinu, ndipo Yisraele yose wavwenge, ndi wopenge.

Marangu 13:10

Mukamupong'anga mya kuti wafwe, chifukwa wapenjanga kumunyengani kuti muŵareke Ambuya Chiuta winu, yo wakumutuzgani mu charu cha Egipiti mu nyumba ya uŵanda.

ŴaLevi 21:9

Ndipo mwana munthukazi wa mzukuru we yose, asani wakajikazuzganga pakuchita ureŵi wakazuzga awiske; yo wakawochekanga ndi moto.

ŴaLevi 20:14

Asari munthu wato muwoli wake kusazgapo so nyina wa munthukazi; mbutimbanizi wawocheke ndi moto, munthurumi ndi ŵanthukazi wo alinga kuti muwulevi utimbanizi mukati mwinu.

Chiyambo 38:24

Akhumba pavuli pa myezi yitatu Yuda ŵangumunene, “Tamara, mukumwana wako wachita ureŵi; ndipo so wazuwuka mu ureŵi wake.” Ndipo Yuda wanguti, “Mutuzgiyeni kubwalo, ndipo wawocheke.”

Chiyambo 34:30

Sono Yakobe wanguti kwaku Simeoni ndi Levi, “Mwatole suzgu paku ine pakundisanduska wakuŵembeka ku ŵakuja mu charu ichi ŵaKanani ndi ŵaPeresi; ine ndendi ŵamanavi, ndipo asani ŵawunganirana pamoza paku ine ndi kupong'ana nane ndikanangikanga, ine pamoza ndi nyumba zangu.”

1 Samuele 14:29

Jonafani wanguti, “Ada ŵasuzga charu, awonani mo maso ghangu ghasandukiya ghatuŵa, chifukwa ndinguwesa uchi uwu umanavi.

Marangu 13:11

Wose ŵaYisraele ŵakavwanga ndi kopa, ndipo kuti ŵakachitanga so uheni waviyo cha mukati mwinu.

Nthanthi 1:19

umu ndimu zilili nthowa zaku wose ŵeniwo ŵasakatiya mu mbanda zituzgapo umoyo wa ŵeneko ŵa vinthu.

Nthanthi 15:27

Yo ngwa kasu chifukwa cha kwanduwa kwakupusika watole suzgu pa ŵanyumba yake, kweni mweniyo watinkha vinda wakaŵanga wamoyo.