Yoswa 7:21 - Tonga Bible 1986

²¹ Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

Yoswa 7:21 Referans Kwoze

Yakobe 1:15

Pavuli penipo likhumbira lo, lati lakuwa, lipapa ulakwi, ndipo ulakwi wo wati wakuwa ukongwa, upapa nyifwa.

Luka 12:15

Ndipo wanguti kwaku wo, “Mucheŵe ndi muchwe ku mbunu yose: pakuti umoyo wa munthu kuti uŵiya mu ufurwi waku vyo we navyo cha.”

Sumu 119:37

Wezgani maso ghangu ku kulereska vyo vyambura chanduwu; ndipaskeni umoyo mu nthowa zinu.

2 Petro 2:15

Mbana ŵakutembeka; pakusiya nthowa yakurunjika, ŵarandizgika mu kurondo karusu kaku Balamu, mwana waku Beori, mweniyo wangwanja mphotu ya uwura urunji;

Marangu 7:25

Vikozgu vyakusemeka vya ŵachiuta ŵawo, mukaviwochenge ndi moto; mungachikhumbiranga siliva, chingana ndi golide lo le paku vyo, pamwenga kulito kuti liŵe linu vinu mungajiwizga nalo, chifukwa mbukazuzi kwa Ambuya Chiuta winu.

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Nthanthi 28:22

Munthu wakunweka chuma watinthimikiya usambasi; ndipo kuti waziŵa cha kuti ukavu ukamuziyanga.

2 Samuele 11:2

Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.

Chiyambo 6:2

ŵana ŵanthurumi ŵaku Chiuta ŵanguwona ŵana ŵanthukazi ŵa ŵanthu kuti ŵenga ŵakutowa ndipo ŵangujitole ŵawoli ŵeniwo ŵangusankha.

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

ŴaKolose 3:5

Viyo fwiskani viŵaru vinu vya panupasi; ureŵi, wiyu, ulakalaka, likhumbira liheni, ndi bina, lenilo nkhusopa ngoza;

ŴaEfeso 5:5

Chifukwa namwe muziŵiska chenichi, kuti chingana ndi mureŵi yose, chingana ngwawiyu, chingana ngwachiŵinu, yo ndi msopangoza, walive chihara mu ufumu waku Kristu ndi Chiuta.

ŴaEfeso 5:3

Kweni kungazumbulika mwinu cha chingana mbureŵi, chingana mbukazuzi wose, chingana nchiŵinu, uli nkhwakwenere ŵakupaturika;

Luka 12:2

Kweni palive kanthu kakubenekereka ko karekenge kuvunulika: ndi kakubisika keniko karekenge kuziŵikwa.

Habakuku 2:9

Soka kwaku yo wanduwiya mbumba yake chanduwo chiheni, mwakuti wazenge nyumba yake pachanya, kuti wataskike ku urwani!

Yesaya 29:15

Soka kwaku wo ŵabisa fundu zawo pa ndimba ku Ambuya, wo vyakuchita vyawo vye mu mdima, ndipo ŵatiti, “Njani watitiwona? Njani watitiziŵa?”

Yesaya 28:15

Pakuti mwakamba kuti, “Tachita phanganu ndi nyifwa, ndi muunda tazomerezgana; asani likhwechu likuru lakapo kuti likazanga kwaku ifwe cha, pakuti maboza ndigho tato kuŵa chakudingang'amo chidu, ndipo mu utesi ndimo tabisama;”

Nthanthi 23:31

Reka kulereska pa vinyo penipo ngwakuchesama, penipo waŵira mu chandi ndipo wabwanthukiya pasi limanalimana.

Nthanthi 4:23

Sunga mtima wako ndi kulereska kose, pakuti kwaku gho kupopoma tumisinje twa umoyo.

Jobu 31:1

“Ndachita phanganu ndi maso ghangu, ndingalereska uli nanga pa mwali?

Chituwa 20:17

“Ungaŵiniwanga nyumba ya munyako; ungaŵiniwanga muwoli wa munyako, pamwenga wachitu wake munthurumi, pamwenga wanchitu wake munthukazi, pamwenga ng'ombe yake, pamwenga mbunda yake, pamwenga kanthu ke kose ka munyako.”

Chiyambo 10:10

Kwamba kwa ufumu wake kwenga Babele, Ereke, ndi Akada, vyose ivi mu charu cha Shinara.

Yoswa 7:20

Akani wangwamuka wanguti, “Kwakuneneska ndalakwa kumikana ndi Ambuya Chiuta waku Yisraele, cho ndikuchita ndi ichi.

Yoswa 7:22

Viyo Yoswa wangutuma mathenga, ŵanguchimbiriya ku hema; ndipo awonani, vingubisika mu hema lake, siliva lenga kusi.

2 ŴaKaronga 7:8

Viyo ŵamakhate yaŵa po ŵanguti ŵafika ku umari wa misasa, ŵangusere muhema, ŵangurgha, ŵangumwa, ndipo ŵangutomo siliva ndi golide ndi vyakuvwara, ŵanguruta kwachivibisa, ŵanguweremo so, ŵangusere mu hema linyake, ŵakgutomo so vinthu, ŵanguruta kwachivibisa.

Chiyambo 34:27

Ndipo ŵana ŵaku Yakobe ŵanguza pa ŵakubayika wo, ndi ŵanguyora vya mu msumba, chifukwa mzichi wangukazuzgika,

Nthanthi 1:19

umu ndimu zilili nthowa zaku wose ŵeniwo ŵasakatiya mu mbanda zituzgapo umoyo wa ŵeneko ŵa vinthu.