Yoswa 7:19 - Tonga Bible 1986

¹⁹ Viyo Yoswa wangukamba ndi Akani, “Wa mwana wangu, paska unkhankhu ku Ambuya Chiuta waku Yisraele, ndipo upereke marumbu kwaku Iyo, ndinene cho wachita, ungandibisa cha.”

Yoswa 7:19 Referans Kwoze

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yohane 9:24

Viyo ŵangumdana kachiŵi munthu yo wenga wachiburumutiya, ndipo ŵangunena nayo, “Paska unkhankhu kwaku Chiuta: ifwe tiziŵa kuti munthu yo ndi mlakwi.”

Danyele 9:4

Ndinguromba kwa Mbuya Chiuta wangu, ndi kuzomera kuti, “Ambuya Chiuta mkuru, ndi wakofya, wakusunga phanganu ndi lisungu kwaku wo ŵatumwanja ndi ŵasunga marangu ghake;

2 Mikoka 30:22

Ndipo Hezekiya wangukamba kwakuchiska ukongwa ku ŵaLevi wo ŵangurongo vinjeru mu mlimu wa Ambuya. Viyo ŵanthu ŵangurgha kurgha kwa dghera kwa mazuŵa ghankhonde ndi ghaŵi kupereka sembe ya chimangu ndi kupereka viwongo ku Ambuya Chiuta wa auskeu.

1 Samuele 14:43

Sono Sauli wanguti, kwaku Jonafani, “Ndi kambiye cho wachita.” Jonafani wanguti, “Ndingwesa tumauchi tumanavi to twenga kusongo kwa nthonga yamu janja langu; ndepano nkhafwanga.”

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Sumu 32:5

Kwananga kwangu ndingumuziŵiskani, ndipo kubende kwangu kuti ndingubisa cha; ndinguti, “Ndizomerenge mamphuru ghangu ku Ambuya”; ndipo imwe mungugowoke kwananga kwa uheni wangu.

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Yakobe 1:20

chifukwa kandundu ka ŵanthu kuti katataliya urunji waku Chiuta cha.

Tito 2:2

kuti madoda ghaŵe ghamkana vinyo, ghaziza, gha vinjeru, ghakhome mu chivwanu, mu chanju, mu unkhunthiya:

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

ŴaRoma 10:10

pakuti ndi mtima munthu wavwaniya ku urunji; ndipo ndi mlomo wazomera ku utaski.

Luka 17:18

Asi ŵangusanirika ŵakuwere kwachipaska unkhankhu kwaku Chiuta, kweni mlendo uyu pe?”

Yesaya 13:12

Ndikaŵachitanga ŵanthu kuŵa ŵauliwuli kwakuruska golide lamampha, ndi unthu wa ŵanthu kwakuruska golide la Ofiri.

Sumu 51:3

Chifukwa mamphuru ghangu ine ndituziŵa ndipo uheni wangu we paurongo pangu nyengo yose.

Yoswa 7:20

Akani wangwamuka wanguti, “Kwakuneneska ndalakwa kumikana ndi Ambuya Chiuta waku Yisraele, cho ndikuchita ndi ichi.

2 ŴaKaronga 20:15

Iyo wanguti, “Ŵawonamunji mu nyumba yako?” Hezekiya wangwamuka, “Ŵawona vyose vyenivyo vye mu nyumba yangu; palivi kamoza kamu nyumba zangu zankhokwe keniko ndilivi kuŵalongo.”