Yoswa 7:1 - Tonga Bible 1986

¹ Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Yoswa 7:1 Referans Kwoze

Yoswa 22:20

Kumbi Akani mwana waku Zera asi wanguswa chigomezgu mu vinthu vyakukanizgika, ndipo ukari unguwiya pa mpingo wose waku Yisraele? Ndipo kuti wangufwa yija pe cha pa uheni wake.’ ”

Wakutaula 9:18

Vinjeru vyamampha kwakuruska vidya vya nkhondo, kweni mulakwi yumoza watananga vyamampha vinandi.

1 Mikoka 21:7

Kweni ichi chingumukwiyiska Chiuta, ndi wangukoso Yisraele.

Yoswa 22:18

kuti imwe msana wale mureke kurondo Ambuya? Ndipo asani imwe mugarukiya Ambuya msana wale iwo ŵakakwiyiyanga mpingo wose wa ŵaYisraele la mawa.

Yoswa 22:16

“Viyo ndimo ukambiya mpingo wose wa Ambuya, ‘Ndi phuzu uli ili lo mwachita paku Chiuta waku Yisraele pakupatukako msana wale ku kurondo Ambuya, pa kujizenge imwe mwaŵeni jochero mu kugarukiya Ambuya?

Yona 1:7

Ndipo wanguti yose ku munyake, “Zaninge, ndi tichite mphenduzga, mwakuti tiziŵe chifukwa nchakuyani uheni uwu watiwiya.” Viyo ŵanguchita mayera, ndipo mayera ghanguwa paku Yona.

Ezra 9:6

ndinguti, “Chiuta wangu nde ndi soni kuyunuskiya chisku changu kwaku imwe Chiuta wangu, chifukwa vyakulakwa vibizga mitu yidu, ndipo kunanga kwidu kwakuwa kufika kuchanya.

2 Mikoka 24:18

Wangusiya nyumba ya Ambuya Chiuta wa auskeu, ndi ŵanguteŵete Ashera ndi ŵangoza. Ndipo ukari unguza paku Yuda ndi Yerusalemu chifukwa cha ubendezi wawo uwu.

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

2 ŴaKaronga 5:24

Ndipo penipo ŵanguza ku mitunthu wanguvironda kumanja ghawo, wanguviŵika mu nyumba: wanguŵatuma ŵanthu wo kuti ŵaruntenge, ndipo ŵanguruta.

Chiyambo 34:27

Ndipo ŵana ŵaku Yakobe ŵanguza pa ŵakubayika wo, ndi ŵanguyora vya mu msumba, chifukwa mzichi wangukazuzgika,

Jobu 35:8

Uheni winu uziŵa kunangiska munthu munyake nge ndimwe, ndi urunji winu uziŵa kukondweska mwana wa munthu.