Yoswa 6:4 - Tonga Bible 1986

⁴ Ndipo ŵazukuru ŵankhonde ndi ŵaŵi ŵapingenge mbata zinkhonde ndi ziŵi za masengwe gha ŵabira paurongo pa bokosi la phanganu; ndipo pa zuŵa la chinkhonde ndi chiŵi mukendanga kuzunguliya msumba kankhonde ndi kaŵi, ŵazukuru ŵakambanga mbata zo.

Yoswa 6:4 Referans Kwoze

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”

2 Mikoka 20:17

Kuti nkhwinu kwachipota nkhondo cha, khwimani mtima, mwamkuma ŵaka jo, kuwona chipozomosko chaku Chiuta chakwaku imwe mwa ŵaYuda ndi Yerusalemu.’ Mungopanga chingana nkhutenthema, mawa rutaninge, chifukwa Chiuta waŵenge namwe.”

Chivumbuzi 8:2

Ndipo ndinguwona ŵangelo ŵankhonde ndi ŵaŵi, wo ŵatuma paurongo paku Chiuta; ndipo kungupaskika kwaku wo mbata nkhonde ndi ziŵi.

2 Mikoka 20:21

Wanguti wakambiskana ndi ŵanthu wanguŵika ŵakumbiya ndi kumukankhuska Chiuta mu kuvwara kwa utozi, ŵachidanjiya paurongo pa nkhondo ŵachiti, “Tumbikani Ambuya, chifukwa nchamuyaya chifundu chawo.”

1 ŴaKaronga 18:43

Ndipo wangunena ndi muŵanda wake, “Kwere kunena, ulereske kuchiri kunyanja.” Ndipo wangukweriyako, wangulereska ndi wanguti, “Kulivi kanthu.” Eliya wanguti, “Ruta so kankhonde ndi kaŵi.”

ŴaLevi 14:16

ndi kubizga munwe waku marghe mu mafuta gho ghe mu janja lake la maze, kughawazga ndi munwe wake kankhonde ndi kaŵi paurongo pa Ambuya.

Chivumbuzi 15:7

Ndipo chimoza cha vyamoyo vyo vinayi chingupaska ŵangelo ŵankhonde ndi ŵaŵi mbali nkhonde ndi ziŵi zakuzaza fwa ndi kandundu kaku Chiuta, mweniyo ngwamoyo ku muyaya ndi muyaya.

Chivumbuzi 15:1

Ndinguwona munthondwi unyake kuchanya, ukuru ndi wakuziziswa, ŵangelo ŵankhonde ndi ŵaŵi, ŵenga ndi videru vinkhonde ndi viŵi vyakumariya, mwaku vyenivyo ndimu kamarizgikiya kandundu kaku Chiuta.

Chivumbuzi 10:3

ndipo wangukambura ndi mazu ghakuru, uli ndimo nkharamu yibanguriya: ndipo wachikambura, vidiririzi vinkhonde ndi viŵi vingudiririska mazu ghawo.

Chivumbuzi 8:6

Ndipo ŵangelo ŵankhonde ndi ŵaŵi, wo ŵenga ndi mbata nkhonde ndi ziŵi, ŵangujirongoso kuti ŵambepo.

Chivumbuzi 5:6

Ndipo ndinguwona pakati pa chitengu-chaufumu ndi vyamoyo vyo vinayi, ndi mukati mu ŵara wo, Mwana-mberere wakumapo, ulaka nge wangubayika, wakuŵa ndi sengwe nkhonde ndi ziŵi ndi maso ghankhonde ndighaŵi, ghenigho mbazimu ŵankhonde ndi ŵaŵi ŵaku Chiuta, ŵakutumika mu charu chose.

Chivumbuzi 5:1

Ndipo ndinguwona mujanja lamarghe laku Mweniyo wajanga pa chitengu-chaufumu chobuku lakulembeka mukati ndi ku msana, lakuzighirika ndi vizighiri vinkhonde ndi viŵi.

Chivumbuzi 1:20

nge nkhu mangari gho gha nyenyezi nkhonde ndi ziŵi Zo unguwona mu janja langu lamarghe, ndi gha vikoleru-nyali vyo vinkhonde ndi viŵi vyagolide. Nyenyezi nkhonde ndi ziŵi zo mbangelo ŵa mipingu yo yinkhonde ndi ghaŵi: ndipo vikoleru-nyali vyo vinkhonde ndi viŵi ndi mipingu yinkhonde ndi yiŵi.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

2 ŴaKaronga 5:10

Ndipo Elisha wangumutumiya thenga, kunena kuti, “Rutanga, ukasambe mu Yordane kankhonde ndi kaŵi ndipo liŵavu lako likawerengamo, ndipo ukaŵanga wakuphotoka.”

Maŵerengedu 23:1

Ndipo Balamu wanguti kwaku Balaki, “Mundizenge panu majochero ghankhonde ndi ghaŵi, ndipo mundipaske nkhuzi zinkhonde ndi ziŵi ndi ŵabira ŵankhonde ndi ŵaŵi.”

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Zekariya 4:2

Ndipo wanguti kwangu, “Kumbi uwona chine?” Ndinguti, “Ndiwona ehe, chikoleru-nyali cha golide chose, ndi mbali pachanya pake ndi nyali zinkhonde ndi ziŵi paku cho, ndi milomo yinkhonde ndi yiŵi pachanya paku zose.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

2 Mikoka 20:19

Ndipo ŵaLevi, ŵa ŵana ŵaku Kohati ndi ŵaku Kora, ŵangusoka kutumbika Ambuya, Chiuta waku Yisraele ndi mazu ghakuru ukongwa.

2 Mikoka 13:12

Wonani Chiuta wendi ifwe, ndiyo chirongozi widu, ndi ŵazukuru ŵake ndi mbata zakumba tichirwa nkhondo ndi imwe. Imwe mwa ŵana ŵaku Yisraele rekani kurwana ndi Ambuya Chiuta wa ambuyamwe; chifukwa mwanduwengepo kanthu cha.”

ŴaLevi 4:6

ndipo mzukuru wakabizganga munwi mu ndopa ndi kuwazgiya ndopa zinyake kankhonde ndi kaŵi paurongo pa Ambuya kunthazi kwachivwinkhu cha chipinda chakupaturika.

Chiyambo 2:3

Viyo Chiuta wangutumbika zuŵa la chinkhonde ndi chiŵi ndi wangulipatuwa, chifukwa mwaku lo Chiuta wangupumuwa ku nchitu zake zose zenizo wanguchita pa kulenga.

Yoswa 6:3

Mukendanga kuzunguliya msumba wo, ŵanthurumi wose ŵankhondo ŵazunguliyenge msumba wo kamoza. Viyo ndimo mukachitiyanga mazuŵa ghankhonde ndi limoza.

Yoswa 6:5

Ndipo penipo ŵakambanga mbata zo kwakurutiliya, ruŵi muchivwa kayowozi wa mbata, penipo khamu lo lose likakamburanga ndi kukambura kukuru; ndipo linga la msumba wo likabwangandukiyanga pasi ske, sono ŵanthu ŵakakweriyangako, munthu yose po walereska maso.”

Yoswa 6:13

Ŵazukuru ŵankhonde ndi ŵaŵi ŵakupinga mbata zinkhonde ndi ziŵi za masengwe gha ŵabira paurongo pa bokosi la Ambuya ŵanguruta, ŵakumba zimbata kwambura kulekezga; ndi ŵanthurumi ŵakuvwala vya nkhondo ŵanguruta paurongo pawo, ŵakukhazga kuvuli ŵangwenda pavuli pa bokosi la Ambuya, uku mbata zitumba kwambura kulekezga.

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.