Yoswa 6:21 - Tonga Bible 1986

²¹ Ndipo ŵangumara ndi lipanga wose ŵanthurumi ndi ŵanthukazi, ŵamana ndi ŵara, ng'ombe, mberere ndi zimbunda.

Yoswa 6:21 Referans Kwoze

Yeremiya 48:18

“Sikiya pasi kutuwa ku unkhankhu wako, uje pasi pa kufunda, iwe wakuja mu Diboni! Pakuti wakubwanganduwa Moabu waza paku iwe; wabwanganduwa malinga ghako.

Chivumbuzi 18:21

Ndipo mungelo yumoza wanthazi wangusoska mwa wakukozgana ndi chimphe chikuru, ndipo wanguupong'a mu nyanja, wakuti, “Viyo, gadabu phuvwa! Ndimo wagadabukiyenge Babiloni, msumba wo ukuru, ndipo kuti wamsanirika kose so cha.

1 ŴaKaronga 20:42

Ndipo wanguti kwaku iyo, “Atiti viyo Ambuya, ‘Chifukwa wazomerezga kutuwamo mu manja ghako munthu mweniyo ndakombole ku kunangika, chifukwa cho umoyo wako ukaserenga pa umoyo wake, ndi ŵanthu ŵako pa ŵanthu ŵake.’ ”

1 Samuele 15:8

Wanguto wamoyo Agagi karonga wa Amaleke, ndipo ŵanthu wose wanguŵabaya ndi wuyi wa lipanga.

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Yoswa 11:14

Ndipo ŵaYisraele wanguto usambasi wose wa misumba iyi ndi ng'ombe kuŵa muskowo wawo; kweni munthu yose ŵangubaya ndi lipanga, mpaka wanguŵamara, ndipo ŵengavi kusiyako wakututa nanga njumoza.

Yoswa 10:39

wanguwupoka pamoza ndi karonga wake, ndi mizi yake yose, wanguwakoso ndi lipanga wangumara wose tete, kwambura wakujapo, mo wanguchitiya ku Elebroni, ndi ku Libina ndi karonga wake, ndimo wanguchitiya ku Debiri ndi karonga wake.

Yoswa 10:28

Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Marangu 2:34

Tinguto mizi yake yose yiya, ndi tinguparghang'a ŵanthurumi, ŵanthukazi ndi ŵana mu mizi yose: tengavi kusiyapo yumoza.

Marangu 13:16

Mukawunjikanga vyakuskoŵa vyawo vyose pakatikati pa bwalo lawo, ndipo muwoche msumba ndi vyakuskoŵa vyake vyose ndi moto, nge ndi sembe yose yakocha ku Ambuya Chiuta winu. Msumba wo uŵenge ndundu muyaya, ndipo kuti ukazengekanga so cha.

Yoswa 8:2

mo unguchitiya ndi Yeriko ndi karonga wake ndimo ukachitiyanga ndi Ai ndi karonga wake; kweni vyuma vyake ndi ng'ombe zake mwamuto nge ndi muskowo winu; mubisame kuvuli kwa msumba wo.”

Yoswa 8:22

Ndipo ŵanyake ŵangutuwa mu msumba kurwana ndi iwo; viyo ŵenga mukati mu ŵaYisraele, ŵaYisraele ŵanyake kuchiri kunu, ŵanyake kuchiri kuwa; ŵanguŵabaya, mpaka penipo ŵengavi kujapo nanga njumoza wamoyo pamwenga wakuthaŵa.

Yoswa 9:3

Kweni penipo ŵakuja mu Gibeoni ŵanguvwa vyo Yoswa wanguchita ku Yeriko ndi Ai,

Yoswa 11:11

Ndipo wose ŵakujamo wanguŵaŵika kuwuyi wa lipanga, kuŵamariya limu wose; pengavi wakututa yo wangusiyika wamoyo, Hazoro wangocha ndi moto.