Yoswa 6:2 - Tonga Bible 1986

² Ndipo Ambuya anguti kwaku Yoswa, “Awona, Yeriko ndamupereka mu janja lako, ndi karonga wake ndi vinkhara vyake vya nkhondo.

Yoswa 6:2 Referans Kwoze

Marangu 7:24

Ndipo waperekenge ŵakaronga ŵawo mu janja linu, ndipo mumarizgenge mazina ghawo kutuwa pasi pano; pamuwuravi munthu yumoza wakuma kumikana namwe, kweni mukaŵaparghang'e wose.

Yoswa 8:1

Ndipo Ambuya angunena ndi Yoswa, “Ungatethemanga pamwenga kugongowa cha; utore pamoza nawe wose ŵakurwa nkhondo, ndipo soka, kweriyanga ku Ai; ehe, ndapereka mu janja lako karonga waku Ai, ndi ŵanthu ŵake, msumba, ndipo ndi charu chake;

Yoswa 2:24

Ŵangunena ndi Yoswa, “Kwakuneneska Ambuya apaska charu chose chiya mu manja ghidu; chakuruskako nchakuti wose ŵakuja mu charu cho mitima yawo njakulakatuka chifukwa chidu.”

Yoswa 2:9

wangunena nawo, “Ndiziŵa kuti Ambuya ŵakupaskani charu ichi, ndikuti chofyo chinu chasikiya paku ifwe, wose ŵakuja mu charu ichi ŵasongonoka paurongo pinu.

Nehemiya 9:24

Viyo mphapu zawo zingwachiseremo ndi kuhara charu cho, ndipo munguthereska paurongo pawo ŵakuja mu charu cho, ŵaKanani, ndipo mungupereka wo mu manja ghawo, pamoza ndi ŵakaronga ŵawo ndi ŵanthu ŵa charu cho, kuti ŵaŵachitiye mwenimo ŵangakhumbiya kuchita.

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

2 Samuele 5:19

Ndipo Davidi wangufumba ku Ambuya, “Kumbi ndikwere kurwana ndi ŵaFilisti, kumbi muŵaperekenge mu janja langu?” Ndipo Ambuya angwamuka Davidi anguti, “Rutanga, chifukwa kwakuneneska ndiperekenge ŵaFilisti mu janja lako.”

Ŵeruzgi 11:24

Kumbi iwe kuti ukaharanga cho chiuta wako Kamoshi watukupaska ku hara cha? Ndikuti chose cho Ambuya Chiuta widu wakwamphuwa paurongo pidu ifwe nafwe tikachiharanga.

Ŵeruzgi 11:21

Ndipo Ambuya, Chiuta waku Yisraele, wangupereka Sihoni ndi ŵanthu ŵake wose mu janja laku Yisraele, ndipo wanguŵathereska; viyo Yisraele wanguhara charu chose cha Amori, wo ŵajanga mu charu chiya.

Danyele 4:35

wose ŵakuja mu charu cha panu pasi ŵapimika nge vyawaka; ndipo wachita kwakiyana ndi khumbu lake mu liŵanja la kuchanya ndi mu ŵakuja mu charu chapasi; ndipo palivi yo wangaziŵa kuja mu janja lake, nanga nkhuti kwaku iyo, “Uchitanji?”

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

Yoswa 6:1

Ndipo Yeriko wangujarika mukati ndi kubwalo chifukwa cha ŵaYisraele; pengavi wakutuliya kubwalo, ndipo pengavi wakusere mukati.

Yoswa 6:3

Mukendanga kuzunguliya msumba wo, ŵanthurumi wose ŵankhondo ŵazunguliyenge msumba wo kamoza. Viyo ndimo mukachitiyanga mazuŵa ghankhonde ndi limoza.

Yoswa 12:9

Karonga waku Yeriko yumoza; karonga waku Ai, wo ŵe pafupi ndi Betele yumoza;

Yoswa 20:1

Pavuli Ambuya angunena ndi Yoswa,