Yoswa 6:17 - Tonga Bible 1986

¹⁷ Msumba ndi vyose vyakuŵamo vikapaskikanga ku Ambuya kuvibwanganduwa; Rahabi pe mureŵi yo ndi wose wo wenawo pamoza mu nyumba yake ndiwo ŵakaŵanga ŵamoyo, chifukwa wangubisa mathenga gho tingutuma.

Yoswa 6:17 Referans Kwoze

Marangu 20:17

kweni mukamaliyanga limu teteti, ŵaHiti, ŵaAmori, ŵaKanani, ŵaPerizi, ŵaHivi, ndi ŵaYebusi, uli ndi mwenimo Ambuya Chiuta winu walanguliya,

Yakobe 2:25

Kwakulingana nako asi Rahabi, mureŵi yo, wangurunjiskikiya mu milimu pakuronde nthumi zo, ndi kuzituzgiya mu nthowa yinyake?

Mika 4:13

Yukani ndi mukhweme, mwa ŵanthu ŵaku Zioni; pakuti ndisanduskenge sengwe lino kuŵa chisulu, ndi vikandiro vino kuŵa vyamkuŵa; mukapikitanga ŵanthu ŵanandi, ndi kupatuliya Ambuya chanduwu chawo, usambasi wawo mukapatuliyanga Ambuya wa charu chose chapasi.

ŴaHebere 11:31

Ndi chivwanu Rahabe, munthukazi mureŵi yo, wengavi kunangikiya pamoza ndi ŵamtafu wo, pakuti wanguronde skoli ndi chimangu. Ndipo nkhakambanga so chine?

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

ŴaGalatia 3:12

kweni chilangulu cho kuti ncha mu chivwanu cha; kweni, “Mweniyo wavichita, wakaŵiyanga wamoyo mwake.”

ŴaGalatia 3:10

Chifukwa ŵeniwo wose mbakugomekezge milimu ya chilangulu ŵe pasi pa tembo: chifukwa kwalembeka kuti, “Ngwakutembeka yose yo walive kujaririya mwaku vyose vyo vyalembeka mu buko lo la chilangulu, kuvichita.”

1 ŴaKorinte 2:7

kweni tirongoro zeru yakubisika yaku Chiuta, yeniyo yenga yindaŵepo migonezi, Chiuta wanguteme limu ku unkhankhu widu.

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Chiyambo 12:3

Ndikatumbikanga wo ŵatukutumbika, ndipo yo wakutemba iwe ndikamutembanga; ndipo mwaku iwe mbumba zose zamu charu zikatumbikikanga.”

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

Ezekiele 39:17

“Iwe, mwana wa munthu, atiti Ambuya Chiuta; Kamba ku viyuni vya mtundu wose ndi ku vinyama vyose vya mudondo, ‘Unganani, zani, kutuwa uku ndi uku unganani ku dghera lakupaturika lo ndirongosole imwe, dghera likuru lakupaturika le pa mapiri ghaku Yisraele, mukarghanga nyama ndi kumwa ndopa.

Yeremiya 46:10

Zuŵa liya ndi zuŵa la Ambuya Chiuta wa maŵanja, zuŵa la thayu, kujitayiya thayu pa ŵakupindikana ŵake. Lipanga likarghanga ndi kuguta, ndi kumwa kwakuguta ndopa zawo. Pakuti Ambuya Chiuta wa maŵanja wendi sembe mu charu cha ku nkhonde pa msinji Efrate.

Yesaya 34:6

Ambuya ŵendi lipanga; lakhorwa ndi ndopa, lakuruŵika ndi mafuta, ndi mafuta gha ŵana ŵamberere ndi mbuzi, ndi mafuta gha sana za ŵabira. Pakuti Ambuya ŵendi chisopo mu Bozra, kubaya kukuru mu charu cha Edomu.

Ezra 10:8

ndi kuti yo warekenge kufika mu mazuŵa ghatatu kwakuyana ndi fundu ya nduna ndi ŵaraŵara, vyuma vyose viphangike, iyo mweneko watuzgikeko ku wumba waku wo ŵakuweko ku umkoli.

1 Samuele 15:6

Wangunena ndi ŵaKeni, “Rutani, tuwanimo, sikani kutuwa mukati mu Amaleke, vinu ndingamunangiyani pamoza ndi iwo; pakuti imwe mungurongo lisungu ku ŵaYisraele ŵachikwera kutuwa mu Egipiti.” Viyo ŵaKeni ŵangutuwamo mukati mu Amaleke.

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Yoswa 2:22

Ŵanguruta, ŵangurata, ku mapiri, ŵanguja kuwa kwa mazuŵa ghatatu mpaka po ŵakuŵarondo ŵanguweko; pakuti ŵakuŵarondo wo ŵanguŵapenjapenja mu nthowa yose, ŵengavi kuŵasaniya.

Yoswa 2:1

Ndipo Yoswa mwana waku Nuni wangutuma ŵanthu ŵaŵi mwakubisika kutuwa ku Shitimu kuskola charu, wanguti, “Rutani, kaskoleni charu, ukonga viŵi Yeriko.” Ŵanguruta ŵangufika ku nyumba ya munthukazi mureŵi yo wadanikanga Rahabe, ndipo ŵangugona kwenikuwa.

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

ŴaLevi 27:21

Munda wo po wafwatulika pa chirimika cha wanangwa, ukaŵanga wakupaturikiya ku Ambuya, kuŵa uli ndi munda wo ukupaturika; mzukuru ndiyo wakaŵanga nawo.