Yoswa 6:13 - Tonga Bible 1986

¹³ Ŵazukuru ŵankhonde ndi ŵaŵi ŵakupinga mbata zinkhonde ndi ziŵi za masengwe gha ŵabira paurongo pa bokosi la Ambuya ŵanguruta, ŵakumba zimbata kwambura kulekezga; ndi ŵanthurumi ŵakuvwala vya nkhondo ŵanguruta paurongo pawo, ŵakukhazga kuvuli ŵangwenda pavuli pa bokosi la Ambuya, uku mbata zitumba kwambura kulekezga.

Yoswa 6:13 Referans Kwoze

ŴaGalatia 6:9

Ndipo tingavuka cha pakuchita cho nchamampha: chifukwa pa nyengo yake yiyo tikavunanga, pakureka kuropwa.

Mateyu 24:13

Kweni wakukunthiyapo mpaka umari, mweniyo wataskikenge.

1 Mikoka 15:26

Ndipo pa chifukwa chakuti Ambuya angovwa ŵaLevi wo ŵapinganga bokosi la phanganu la Ambuya, ŵangupereka sembe za nkhuzi zinkhonde ndi ziŵi, ndi ŵana ŵa mberere ŵankhonde ndi ŵaŵi.

Maŵerengedu 10:25

Sono wa ugoŵi wa ŵina Dani ŵangusoka, ŵangwenda kuvuli kwa ma ugoŵi ghose, ndi ndembera yawo liŵanja ndi liŵanja, wakutufuliya chiliŵanja cho wenga Ahiezere mwana waku Amishadai.

Yoswa 6:4

Ndipo ŵazukuru ŵankhonde ndi ŵaŵi ŵapingenge mbata zinkhonde ndi ziŵi za masengwe gha ŵabira paurongo pa bokosi la phanganu; ndipo pa zuŵa la chinkhonde ndi chiŵi mukendanga kuzunguliya msumba kankhonde ndi kaŵi, ŵazukuru ŵakambanga mbata zo.

Yoswa 6:9

ndipo ŵanthurumi ŵakuskoma vya nkhondo ŵangudanjiya paurongo pa ŵazukuru ŵakumba zimbata, ndipo ŵakukhazga kuvuli ŵangwenda pavuli pa bokosi lo, uku zimbata zitumba kwakurutiliya.

Yoswa 6:12

Yoswa wangusoka ndi mlenjilenji, ndipo ŵazukuru ŵangunyamuwa bokosi la Ambuya.

Yoswa 6:14

Pa zuŵa la chiŵi ŵangwenda kuzunguliya msumba kamoza, wanguwere mu ugoŵi; ŵanguchita ichi kwa mazuŵa ghankhonde ndi limoza.