Yoswa 5:9 - Tonga Bible 1986

⁹ Ndipo Ambuya angunena ndi Yoswa, “Msana wale ndatuzgapo kuwere kwa ŵaEgipiti paku imwe.” Viyo malo ghadanika Gilgala mpaka zuŵa lino.

Yoswa 5:9 Referans Kwoze

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

Yoswa 4:19

Ŵanthu ŵanguzuwuka mu Yordane pa zuŵa la chumi la mwezi wakudanga, ndipo ŵangugoŵa pa gilgala ku mphaka yaku vuma ya Yeriko.

Chiyambo 34:14

Ŵanguti kwaku wo, “Tingachita cha chinthu ichi, kupaska mzichi widu kwaku yo ngwambura kuchinjika, pakuti chaviyo nchilengesku kwaku ifwe.

ŴaLevi 24:14

“Mutuzgeni mu ugoŵi yo wangutemba; ndipo wose wo ŵangumuvwa ŵaŵike manja ghawo pa mutu wake, ndipo ŵanthu wose wa mpingu wo ŵamudine ndi mya.

Ezekiele 23:8

Kuti wangureka cha ureŵi wake wo wachitanga mu mazuŵa ghake mu Egipiti; pakuti mu umwali wake ŵanthurumi ŵangula nayo ndi kuko maŵe ghake gha umwali ndi kumudiriya ukazuzi wawo.

Ezekiele 23:3

ŵanguŵa ŵareŵi mu Egipiti, ŵanguchita ureŵi mu umwali wawo; maŵe ghawo ghanguwiskika kwenikuwa ndipo kusongo kwa maŵe gha umwali wawo kungukoreka.

Yeremiya 9:25

“Ehe, mazuŵa ghakazanga, atiti Ambuya, penipo ndikalanganga wose ŵeniwo ŵakuchinjika kweni mbakuwura kuchinjika,

Sumu 119:39

Nditaskeni ku matozu gho nditopa; pakuti visimisimi vinu vyamampha!

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

Yoswa 5:8

Khamu lose linguti lachinjika, ŵangutandara mu malo ghawo mu ugoŵi mpaka penipo ŵanguchila.

1 Samuele 7:16

Ndipo wayendanga mwakuzunguliya chirimika ndi chirimika ku Betele, Gilgala, ndi Mizpa; wangweruzga ŵaYisraele mu malo ghose yagha.

2 Samuele 19:15

Viyo karonga wanguwere vuli ku Yordane; ndipo Yuda wanguza ku Galgala kwazukumana ndi karonga ndi kumwambuskiya kusirgha kwa Yordane.

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”

Zefaniya 2:8

“Ndavwa kulenga kwaku Moabu ndi kutuka kwa Amoni, mo walenge ŵanthu ŵangu, ndi kujikuzga ku mphaka zawo.

Nehemiya 12:29

Ndiso kutuwa ku Betgilgala ndi ku chigaŵa cha Geba ndi Azmaveti; pakuti ŵakumba ŵangujizenge mizi yawo kwakuzunguliya Yerusalemu.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Amosi 5:5

“Penjani ine ndipo muŵenge ŵamoyo; kweni mungapenjanga Betele, ndipo mungaserenga mu Gilgala cha, pamwenga kujumpha Beresheba; chifukwa Gilgala wakarutanga nadi ku umkoli, ndi Betele nayo wasandukenge chawaka.”